Annual Performance Plan Jaarlikse ... - National Treasury

• Verseker dat die leerderopsporingstelsel in werking is en begin met ‘n Verdere Onderwys- en Opleiding-
Bestuursinligtingstelsel (VOOBIS) in VOO-kolleges.
• Bou van sosiale kapitaal binne die onderwyssektor deur middel van, onder andere, forums vir VLR’e SBL’e en
afgetrede onderwysers sowel as ander koöperatiewe en vennootskapsgebaseerde inisiatiewe.
• Verbetering van alle aspekte van finansiële bestuur en rekenkundige verantwoordelikhede om uiteindelik na ‘n
Vlak 4-ouditeerbare organisasie te beweeg.
Ontleding van vordering
• Sosiale kapitaal
Die WKOD het alreeds ‘n reeks programme in plek wat bydra tot die ontwikkeling van sosiale kapitaal. Hoë vlakke van
ervaring en kundigheid lê in mense opgesluit. Ten einde hierdie poel van kennis maksimaal te benut, word netwerke
geskep om sodanige ’kapitaal’ te deel en te versprei. Om voordeel te trek uit sodanige rykdom van menslike evaring, is
forums vir bespreking en probleemoplossing geskep, soos die SBL’e, VLR’e en Afgetrede Onderwysers –
• SBL’e van regoor die spektrum van gemeenskappe en die samelewing word bymekaar gebring om geraadpleeg te
word oor kwessies wat skole en gemeenskappe in die gesig staar. Dit sluit in die Veilige Skole en die MIV/VIGSlewensvaardigheidsprogramme
en die Nasionale Skoolvoedingsprogram (NVP).
• VLR’e by skole word betrokke by kwessies rondom leierskap en geleentheid gebied om bestuurskwessies soos
dissipline, konflikbeslegting en rolmodel skep te beïnvloed. Die ontmoeting met VLR-lede van skole bied die
geleentheid om op distriks- en provinsiale vlak in interaksie te tree, en ’n provinsiale struktuur is op 15 Junie 2006
geloods.
• Die SBL’e en VLR’e word bemagtig om saam te werk aan kwessies waarmee die skool en die gemeenskap
gekonfronteer word. Die verbeterde koördinering van sosiale kapitaalontwikkelingsprogramme en –projekte sal
aandag geniet as deel van die WKOD se herontwerpproses.
• ‘n Databasis van afgetrede onderwysers word saamgestel sodat belangrike kennis en kundigheid nie verlore is nie,
maar beskikbaar gemaak word vir mentorskap en leiding in skole in die Wes-Kaap.
• Die ontwikkeling van strategiese vennootskappe op provinsiale en gemeenskapsvlak om inisiatiewe te bevorder soos
die ontwikkeling van heelskoolonderwys (die konsep van gemeenskapskool), portuuronderwys (gesonde
lewenstyl/voorkomingstrategie) en die bevordering van skole as plekke van sorg en steun.
• Kaapse Onderriginstituut
Die KOI het die jaarlikse opleidings- en ontwikkelingsprogram vir opvoeders in die Grondslagfase, Intermediêre Fase,
Senior Fase sowel as die ontwikkeling van skoolbestuur en leierskap suksesvol gelewer. Assessering van die impak
van opleidingsintervensies het die hoë vlak van doeltreffendheid van die intervensies in die klaskamer bevestig en ook
areas vir verbetering en die behoefte aan bykomende steun geïdentifiseer. Die KOI het suksesvolle seminare en
konferensies oor ‘n reeks onderwerpe vir opvoeders gereël.
• Beplanning van fisiese infrastruktuur
Die goedgekeurde 2006-Infrastruktuurplan dui ‘n agterstand van 104 nuwe skole aan waarvan 20 teen Februarie 2006
voltooi is, 13 tans onder konstruksie is, en 12 nog beplan word. Dus moet 59 skole nog aandag geniet. Dit word
voorsien dat die 13 skole onder konstruksie en die 12 wat nog beplan word binne die volgende 5 jaar voltooi sal word.
Hierdie funksie is van kritieke belang vir die WKOD en sy belanghebbendes. Benewens die feit dat bouprojekte
geïdentifiseer, geprioritiseer en beplan word vir tot 2014, is dit meer belangrik dat ‘n Fisiese
Infrastruktuurvoorsieningstrategie oorweging skenk aan nuwe skoolontwerpe, begin met die mobilisering van Openbare-
Private Vennootskappe, (OOV’s) om lewering van ons infrastrukturele behoeftes te versnel, en intervensie daarstel wat
die benutting van die maksimum kapasiteit van bestaande strukture sal verseker. Toeganklikheid van geboue vir
leerders, veral vir leerders wat beweeglikheidsprobleme ondervind of wat aan ’n rolstoel gekluister is, moet
geïnkorporeer word in die beplanning van fisiese infrastruktuur deur opritte te bou. Dit sal belangrik wees om
kleinerwerke-programme, bestuur deur die gemeenskap, (opgradering, rehabilitasie, versiering, ens.) by hul skole te
inisieer. Die visie is dat sodanige programme gemeenskappe se eienaarskap van die skole kan bevorder en,
belangriker nog, ekonomiese voordeel vir daardie gemeenskappe kan bied.
• Leerderopsporingstelsels (CEMIS)
‘n Omvattende leerderopsporingstelsel is in 2006 in alle openbare skole in die Wes-Kaap ingestel. Hierdie
opsporingstelsel het die inligtingsbasis van die provinsie verbeter en gelei tot verbeterde doeltreffendheid en beplanning
om te verseker dat leerders nie verlore raak uit die sosiale stelsel nie. Dit maak ook die instelling van ’n
leerderintervensie- en steunprogram moontlik.
Jaarlikse Prestasieplan 2007/08 – 2009/10 26