cop 8.pmd - Taic in Vriaul

CARLO COLLODI
In seeng as dar oarma Pinocchio ckenk van mardara av-aan ost van groasn Roulan
Paam, hott gadaicht asar mear toat bar gabeisn abia leimti, is schiana diarli van
tuncklanploban hoar is bidar ausar ckeman avn venstar, unt, zeachn in seeng oarman
haschar as, aufckenk pan hols, hott gatonzt in schozzaitn bint, sghlok vir drai mool da
henta, unt gipp drai chlana schtracha.
Af deeng a groasis lermach va vliing as honant pfloutart mitt chroft, unt a groasar
beidi is nidar gongan avn venstarschtock.
- Boos schoftisden-oon, maina liabiga Fata? - Sok dar beidi unt mocht in inking min
pik abia a reverenza: (bal mar muast beisn as is diarli van tuncklanploban hoar, is niks
ondarscht gabeisn as, a guata Fata, as schuan mear abia tausunt joar seem is pliim
zuachn pan bolt).
- Sichta da see hontpoupa aufckenk av-aan ost van groasn Roulan Paam?
- Ioo ii sichsa.
- Guat: vloutar cbint oachn: priich min dain schtoarckn pik in chnopf asa auf hopp
ckenk unt tuasa nidar linkntar avn groos, zuachn pan Roulan Paam.
Dar Beidi is abeck pfloutart unt nooch zbaa minutn isar hintar ckeman, unt sok:
- Bostismar hott oncjofn, is boarn gatonan.
- Unt bia hostisaden pacheman? Leimti odar ctoarm?
- Zan seachnsa, isa vir ckeman ctoarm, ovar si muast nouch nitt reacht ctoarm
sainan, bal biar hoon in chloong chnopf auf ckoot gamocht asar in hols zua hott ckopp,
hozza in ootn ausar gamocht gianan, unt hott schian schtildar gaprumbult: “Hiaz hearmi
peisar!”
Noor da Fata, sghlok zoma da henta, unt gipp zbaa chlana schtracha, unt is virchn
ckeman a schia Can-Barbone, as iis gongan schian schtianantar afta hintarn viasa,
glaich abia mendar a moon bar gabeisn.
Dar Can-Barbone is gabeisn ongleik va kokkiere min frak. Hott avn chopf ckoot a
huat mitt drai piks min guldan schtearnlan, a baisa parukka min cirozz asin oachn
senant gongan ibarn hols oachn, a rock voarba cikolata min glonzn chnofn unt mitt
zbaa groasa secka da pandar aichn zan tuanan asin da vrau hott geim pan eisn, mitt a
poar churza housn va veluut, da saidan schtinpfa, da nidarn schiachlan, unt hintn oachn
a goting fodera va schearmhuat, va ploom raso aichn zan tuanan da koda mens
hott ckreink.
- Nar vlaisi, Medoro! - Sok da Fata in Can-Barbone, - mooch cbint onhengan da
schianarsta charozzn as in rous schtool iis unt darbisch in beig kein bolt. Bida bearst
oncheman untarn groasn Roulan Paam, bearsta pacheman nidaroon a hontpoupa holba
hiin. Nemsa auf schian schtaat, unt tuasa drauf afta pelschtar var charozzn olabaila
schian schtaat unt trogmarsa hear, do pa miar. Hosta varschtoon?
Dar Can-Barbone, zan mochn varschianan asar bol hott ckoot varschtonan, hott
drai viar mool hear unt umin gatriim da fodera va tuncklploban raso, asar hintar-iin hott
ckoot, unt is abeck pfoarn abia a rous.
Cbint darnooch, hottmar zeachn ausar gianan van rous schtool a schiana charozz
onpferbat abia dar luft, schian cteipat mitt veidarn va kanaring unt flodraat min raam
166
Quaderni di cultura timavese