cop 8.pmd - Taic in Vriaul

PINOCCHIO
barcjali beart untarn bosar sain gongan.
- Unt mai votar?
- Um dei zait beartin hoom cluckt dar schreckligar Pesce-cane, as van-aa poar
toga is ckeman in-unsara basar is guata unt cleachta mochn unt vreisn ols bosin zuachn
virpai geat.
- Isar asou groas dear Pesce-cane? - Vrok dar Pinocchio, as schuan hott onckeip
zan zitarn.
- Mendar groas iis!... - Tuatin ompartn dar Delfin. - Asou viil astadi voarschteiln
tuast, bearidar soong asar greasar iis abia a haus va vinf schtecka, unt hott asou a
schiachis maul asou praat unt tiaf as mit chamoutickait virpai tat gianan dar gonza
zuug var aisnpoon mittar maschiin voaraus ongazuntn.
- Muatar maina! - Schrait gonz darschrockn da hontpoupa: leiksi oon bi checkar
asa hott gameik, chearzi uma kein Delfin unt sokking:
- Fiati, hear viisch: varzaichzmar virn varholtach unt tausunt mool donckschian va
enckara liabickait.
Zok dosto, darbischt cbint is beigl un hott onckeip zan gianan mitt-aan checkn triit;
asout check, as vir is ckeman asa tat laafn. Unt anias pislan lermach asa hott ckeart,
hozzasi cbint umagacheart schaung, var soarga asar nooch tat cheman dar se schiacha
Pesce-cane groas a bia a haus va vinf schtecka mitt-aan zuug var aisnpoon in
maul.
Noch a holbaschtunt beig isa onckeman in-aan chlaan doarf as hott ckasn “Il Paese
delle Api Industriose”. Da beiga senant voula lait gabeisn as-senant gloufn hear
unt umin vir soiara cichna abia da omasn: ola honant goarbatat, ola honant eipas ckoot
zan tuanan. Mar hott niit pacheman a vaulenzar udar an vagabunt goar mending barst
gongan suachn mittar lompt.
- Hoon schuan varschtoon, - sok cbint dar seen unlustigar Pinocchio - dosto doarf
is nitt gamocht vir mii! Ii pin nitt gapoarn zan oarbatn!
Unt darbaila dar hungar hotting gapainigat, bal senant schuan viarazbanzk schtunt
virpai gabeisn gongan asar niks mear hott ckoot geisn: goar a talar greisarach niit.
Bosten tuanan?
Senanting varpliim lai zbaa moniar in hungar zan mochnsi vargianan: udar vroong
vir-an pislan oarbat, udar gianan peetl a palanka udar a procka proat.
Zan gianan peetl hottarsi compt: bal sai votar hotting olabaila zok as zan gianan
peetl honant da reacht ckoot zan gianan lai da oltn unt da chronckn. Da richtin oarman,
in deiga belt, as senant gabeisn zan sainan aufgaboartat unt darlaidat, senant da
seeng as, pen da joarn udar da chronckat, pachemant varpflichtat niamar zan meingnsi
vardianan is proat mittar oarbat van soiara henta. Ola da ondarn senant varpflichtat
gabeisn zan oarbatn: unt mensa nitt tuanant oarbatn unt laint in hungar, ergar vir soian.
In seeng, geat virpaii ibarsbeig a moon gonz cbizt unt ona ootn, as hott gazouchn ols
alana mitt a groasa sghleiparai zbaa bagalan voula choul.
Dar Pinocchio, schaukin-oon unt schaztin a guatn moon, geating zuachn unt, nidar
gatonan da aung var schonta, sokking schian schtildar:
Tischlbongara piachlan
189