LIBËR-MËSUESI-GJUHA-SHQIPE-9-
Create successful ePaper yourself
Turn your PDF publications into a flip-book with our unique Google optimized e-Paper software.
LIBËR MËSUESI GJUHA SHQIPE 9
Data___.____._______
Fusha: Gjuhët dhe komunikimi Lënda: Gjuhë shqipe Shkalla: IV Klasa: lX
Kompetenca: Të lexuarit
Situata e të nxënit: Punë me tekstin
Tema mësimore: Manteli (ora e parë)
Rezultatet e të nxënit sipas kompetencave kyçe:
1. Kompetenca e komunikimit dhe e të shprehurit
2. Kompetenca e të menduarit
3. Kompetenca e të mësuarit për të nxënë
4. Kompetenca personale
Rezultatet e të nxënit të kompetencave sipas temës
mësimore
Nxënësi:
• Diskuton për kohën, vendin, ngjarjen duke dhënë
detaje nga teksti;
• ritregon me fjalët e veta përmbajtjen;
• analizon gjendjen shpirtërore të personazhit;
Fjalët kyç:
• manteli
• njeri i madh
• nëpunës
• administrate cariste
• gjendje shpirtërore
• trashëgimi materiale
• Zbërthen mesazhin e pjesës lidhur me realitetin e
sotëm.
Burimet: Teksti mësimor, informacione për shkrimtarin
Nikollaj V. Gogol
Lidhja me fushat e tjera ose me temat
ndërkurrikulare: Histori
Metodologjia dhe veprimtaritë e nxënësve: Diskutim; Lexim zinxhir; Pyetje-përgjigje; Punë në dyshe.
Organizimi i orës së mësimit
-Lidhja e temës me njohuritë e mëparshme të nxënësve: Diskutim
Nxënësit njihen me temën e re të mësimit, fragmentin “Manteli”, marrë nga novela me të njëjtin
titull të shkrimtarit rus Nikolaj Gogol.
Ndihmuar nga mësuesja e historisë, nxënësit njihen me periudhën në të cilën i vendos ngjarjet
autori, (Rusia cariste) si dhe me jetën dhe veprën letrare të tij.
Nikolai V. Gogol, mjeshtri i madh i letërsisë ruse ka lindur në 20 prill 1809 në Bolshoie Soroçini,
fshat afër Mirogorodit nga një familje fisnikësh. Babai i tij, Vasil Afanasjeviç, komediograf i shquar,
ndikoi që edhe i biri i tij të merrej me letërsi.
Në 1825, Gogoli mbaroi gjimnazin në Nezhen dhe më pas në Peterburg, ku edhe shkroi veprën:
“Hans Kyhelgarten”, sipas ndikimeve të poezive të Zhukovit dhe romaneve të Malinskit.
Mbasi mbaroi studimet në Peterburg, u emërua profesor në Universitetin Patriotik. Edhe pse
nisi jetën e zhurmshme të kryeqytetit në novelat e tij me temën e vendlindjes, Ukraina ndizej me
koloritin e papërshkruar deri atëherë dhe me veçantinë e një talenti që po spikatej gradualisht.
Më 1831 - 1832 shkroi dhe botoi dy vëllime me tregime me titullin “Pronarë të mëdhenj të
botës së vjetër”, “Mbrëmje në çiflikun e Dikankës”, që u pasua nga përmbledhja tjetër “Tregimet e
Novgorodit”, ku, pranë karakterit koloristik dhe realist, shfaqen elemente historiko - epikë në novelën
monumentale “Taras Bulba”, të frymëzuar nga revolta e parë kozake , Në 1835, pasi madhështia e
krijimeve të tij ishte përhapur anembanë Rusisë, shkroi “Portreti” dhe “Shëtitorja Njevski”. Ndërkohë
shkroi edhe drama, ndër të cilat gëlojnë “Revizori”, “Bixhozxhinjtë” dhe komedia “Martesa”.
Pas njohjes me Pushkinin, shkroi poemën “Shpirtra të vdekur”, e cila u kthye në vepër “simbol”
të letërsisë botërore. Pas shumë kritikave të bëra nga sistemi autoritar rus, ai vendosi të shkruajë
pjesën e dytë të “Shpirtra të vdekur”, por duke qenë i bindur se nuk kishte arritur monumentalitetin
e së parës, ai e djeg vetë dorëshkrimin.
Më 1842 boton një novelë tjetër të shkëlqyer, “Manteli”-n, i cili pas vdekjes së tij do të përfshihet
104