LIBËR-MËSUESI-GJUHA-SHQIPE-9-

PLANIFIKIMI I ORËS MËSIMORE TREMUJORI JANAR – MARS
-A është edhe gjendja e heroit të prozës e njëjtë me atë të natyrës apo është në kontrast me të?
-Heroi i prozës pas përshkrimit provon përjetimin.Çfarë ndjen e provon? Si e keni përjetuar ju një
perëndim dielli në det apo një stuhi?
-Shkalla e tretë në të cilën ndalet autori është meditimi i heroit. Për çfarë mediton ai?
-Në ç’pozicion ndodhet heroi i prozës?Ai është thjeshtë spektatori që e sheh dhe e fotografon një
peizazh, indiferent ndaj natyrës apo është njeriu i gjallë që ka shqetësime të sinqerta njerëzore, që
vuan e pikëllohet për gjëra thelbësore, si ne të gjithë?
-Ç’e shqetëson heroin tonë kur thotë: Mejtohem …, Them …, Them …?
-Prezantimi dhe demonstrimi i rezultateve të arritura:
-Proza poetike ndërtohet mbi bazën e fjalisë e në rreshta. Vëreni me kujdes fjalitë dhe thoni si
janë ato për nga ndërtimi dhe për nga kumtimi. ( Për nga ndërtimi kemi fjali të thjeshta dhe fjali të
përbëra me bashkërenditje. Për nga kumtimi kemi fjali dëftore, dëftore thirrmore dhe fjali pyetëse
– pyetje retorike)
-Ç’ka nga proza e ç’ka marrë nga poezia fjalia e dytë? A mund të themi se ajo është tipike si në
tregime a romane me gjatësinë që ka? (Nga poezia kjo fjali ka marrë ritmin dhe ndryshimin e rendit
të gjymtyrëve, nga proza-gjatësinë efjalisë.
-Gjeni dy epitetet me të cilat poeti cilëson dheun ku jetojnë njerëzit. Ç’ngjyrim emocional kanë?
Cili prej tyre të çon lehtë te shqetësimi për jetën njerëzore? (epitete: e nxirë, e pikëlluar)
-Gjeni në prozën poetike fjalinë ku autori flet për sytë e njeriut> Ku ndryshojnë ato me sytë e
kozmosit. Më ç’figura dhe ç’ngjyrime emocionale i vizaton ato autori?
Matetial në ndihmë të mësuesit:
Teksti meditativ është “Të mukëtit” ku përmes të shprehurit simbolik përshkruhet perëndimi i
ditës dhe zymtësia qe kaplon botën e brendshme të rrëfimtarit atyre çasteve. Përmes përshkrimit
kalohet në shprehje të mendimeve, të gjendjes shpirtërore, ndërsa peizazhi luan vetëm rolin e
prologut në këtë rast. Dhe edhe njëherë, në rreshtat e mëposhtëm theksohet avantazhi i natyrës
përballë njeriut. Autori qaset nëpërmjet pyetjeve retorike. Përderisa gjendjet emocionale të njeriut
ndryshojnë, varësisht prej të papriturave që i sjellë jeta, natyra qëndron stoike në gjendjen e saj,
ngadalshëm të ndryshuar. Jepet kështu në një mënyrë edhe kontrasti e ndryshimi mes gjërave reale
e tokësore dhe atyre të amshueshme - hyjnore.
Vlerësimi: Bëhet vlerësimi i nxënësve për aktivizimin gjatë orës së mësimit, për saktësinë dhe
argumentimin e përgjigjeve.
Detyrë shtëpie: Lexoni poezinë “Poradeci” dhe bëni një krahasim mes saj dhe prozës “Të
mukëtit”
165