LIBËR-MËSUESI-GJUHA-SHQIPE-9-

LIBËR MËSUESI GJUHA SHQIPE 9
-Ndërtimi i njohurive të reja:
Mësuesi/ja i njeh nxënësit me temën e re dhe me autorin e tregimit.
Marguerite Yourcenar (Margerit Jursenar) (8 Qershor 1903-17 Dhjeror 1987) - shkrimtare dhe
eseiste e njohur franceze me origjine belge, është e para femër anëtare e Akademise Franceze.
Një kozmopolitane e vërtetë! Shkrimtare e gjithanshme dhe mjaft e ditur, madame Jursenar
është cilësuar pa më të voglin dyshim ndër shkrimtarët më me ndikim të shekullit XX. Ajo është
cilësuar gjithashtu si një grua e shkëlqyer, e cila me forcën e një stili klasik dhe rigoroz përdorte një
ton të vetin, për të gjetur, falë historisë, rastin për të reflektuar mbi moralin dhe pushtetin
Margarit Jursenar, është e njohur edhe si autore, që ka trajtuar mjaft nga legjendat e popujve
ballkanikë. Në librin e saj “Novela Orjentale”, (shkruar e botuar diku në mes të viteve 1929-1939),
përmbledhje e shkëlqyer novelash të shkurtra, ku bashkohen me lehtësi miti, legjendë dhe botë
modern, gjen vend edhe legjenda shqiptare e ngritjes së kështjellës së Rozafës. Tregimi mban titullin
“Qumështi i vdekjes”.
Pas një heshtjeje të gjatë në krijmtari, Margarit Jursenar boton në vitin 1951 veprën e saj më të
njohur, “Kujtimet e Hadrianit”, e ndërtuar në formën e një letre të gjatë të Perandorit inteligjent
Hadrian, drejtuar 17- vjeçarit Mark Aurel. Ky libër është quajtur prej studiuesve “një kryevepër e
vërtetë”.
Margarit Jursenar ka vdekur në moshën 84 vjecare. Libri i saj “Novela Orjentale” është botuar
para disa vitesh edhe në Shqipëri.
Nxënësit lexojnë pjesën dhe mësuesi/ja shpjegon fjalët e panjohura.
Nxënësit sjellin në kujtesë legjendën e Rozafës ( njëri prej tyre tregon përmbajtjen e legjendës).
Diskutohet rreth mënyrës se si e trajton ngjarjen autorja në tregimin e saj dhe ç’të përbashkëta
ka midis dy teksteve.
Çfarë ka ruajtur autorja nga legjenda dhe çfarë të rejash ka sjellë në brendi.
-Prezantimi dhe demonstrimi i rezultateve të arritura:
Punohen ushtrimet e rubrikës “Kuptimi”
Nxënësit rrëfejnë tregimin me fjalët e tyre.
Shpjegojnë kuptimin e titullit dhe gjejnë një titull tjetër për tregimin.
Gjejnë në tregim pse është i domosdoshëm murimi dhe pse pikërisht duhet murosur një grua.
Nxjerrin mesazhin e tregimit.( dëgjohen disa variante dhe behet përmbledhja e mesazhit)
Në vazhdim nxënsit dallojnë se në cilën kohë e sjell autorja ngjarjen dhe gjejnë cilët janë sipas
autores shkaktarët e rrëzimit dhe shembjes së mureve të kështjellës.
Vlerësimi: Bëhet vlerësimi i vazhdueshëm i nxënësve në të gjitha hapat e orës mësimore.
Detyrë shtëpie: Ushtrimi 10. Nxënësit qarkojnë sipas kërkesës alternativën që mendojnë dhe
argumentojnë zgjedhjen e bërë.
48