LIBËR-MËSUESI-GJUHA-SHQIPE-9-
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
LIBËR MËSUESI GJUHA SHQIPE 9
Data___.____._______
FUSHA: Gjuhët dhe komunikimi LËNDA: Gjuhë shqipe SHKALLA: 4 KLASA: IX
TEMA MËSIMORE: Dëgjimi i poezisë
SITUATA E TË NXËNIT: Poezia si
kënaqësi auditive
Rezultatet e të nxënit të kompetencave të fushës sipas
temës mësimore:
Dëgjon tekstin poetik në mënyrë të qëllimshme.
Ndërton fjalorin karakteristik poetik përmes dëgjimit.
Përcjell fjalët kyç të lidhura me ndijimet shqisore.
Analizon poezinë si një krijim artistik shumëpërmasor.
Flet rreth mënyrës së shijimit të poezisë përmes të
dëgjuarit.
Ndan mendime rreth forcës emocionale të arritur përmes
lidhjes interpretim – dëgjim.
BURIMET: Tekst mësimor, vëllime të ndryshme me poezi.
FJALËT KYÇ:
Tekst poetik
Dëgjim
Interpretim
Emocion
Shqisë
Ngacmim
Kënaqësi
Lidhja me fushat e tjera ose me
temat ndërkurrikulare:
Metodologjia dhe veprimtaritë e nxënësve: Dëgjim i qëllimshëm, diskutim i drejtuar, tryeza
rrethore, bisedë e lirë
ORGANIZIMI I ORËS SË MËSIMIT
Lidhja e mësimit me njohuritë e mëparshme: Dëgjim i qëllimshëm
Pasi rikujtojnë edhe një herë rëndësinë e një dëgjimi të qëllimshëm në rrokjen e informacionit
të dëgjuar, nxënësit dëgjojnë në mënyrë të qëllimshme poezinë. Gjatë dëgjimit të dytë u kërkohët
të mbajnë shënim ato fjalë që u duken karakteristike për tekstin poetik si dhe fjalë kyç që lidhen me
ndijimet shqisore.
Ndërtimi i njohurive të reja: Diskutim i drejtuar
1. Lexoni me zë të lartë ato fjalë që keni mbajtur shënim e që mendoni se janë karakteristike
për ligjërimin poetik. Çfarë kanë ato të ndryshme nga ligjërimi në prozë?
2. Përqendrohuni te motivi i poezisë dhe lexoni shënimet tuaja lidhur me fjalët kyç që
prezantojnë ngacmimet shqisore. Pse këto fjalë janë të rëndësishme në trajtimin e këtij motivi?
Tryeza rrethore: Klasa ndahet në grupe të vogla me nga tre – katër nxënës dhe secili grup
diskuton rreth vlerave shumëpërmasore të kësaj poezie si rezultat i kombinimit dhe i përjetimit të
saj përmes të gjitha shqisave. Nxënësit gjithashtu e lexojnë sërish poezinë në grupe dhe diskutojnë
rreth ngacmimit emocional pozitiv që ajo shkakton te dëgjuesi.
Prezantim i rezultateve të arritura: Bisedë e lirë
- Një nxënës që ka aftësi shumë të mira interpretuese e lexon me zë të lartë poezinë dhe të tjerët
ndjekin me vëmendje interpretimin. Pas kësaj, përmes një bisede të lirë nxënësit argumentojnë
rëndësinë e lidhjes interpretim – dëgjim me qëllim që të realizohet efekti i dëshiruar emocional te
dëgjuesi.
Vlerësim: Vlerësohet analiza e detajeve poetike përmes dëgjimit.
168