LIBËR-MËSUESI-GJUHA-SHQIPE-9-

PLANIFIKIMI I ORËS MËSIMORE TREMUJORI JANAR – MARS
Lexohet në heshtje poezia. Ndahet klasa në grupe dhe shpërndahen fishat.
Grupi 1. Lexon poezinë dhe u përgjigjet pyetjeve të mëposhtme.
-Në ç’kohë po jeton Hanko Halla? Jemi në realitetin e viteve ’30.Në kohën kur e ka humbur rininë
dhe flet me emocionet e humbjes. Halla ka përjetuar një tërmet shpirtëror; atë të ndërrimeve e të
moskuptimeve. Me kalimin e kohës çdo gjë është përmbysur. Është prishur rendi i mëparshëm dhe
ky ndryshim merr dimensione fantastike në të folurit e në të menduarit e figurshëm të plakës.
-A ka të drejtë ajo në ato që mendon? A mund të ndodhte ndryshe me një gjyshe si ajo.
-Në fjalët e saj ndihet urrejtje, përbuzje, inat apo zemërim? Ndaj kujt?
-Kujt i flet Hankoja në këtë fragment? Cili është marrësi i mesazhit të saj?
-Si e do nusen Hankoja? Gjeni dy detaje që e shprhin thelbin e kuptimit të saj.
… Me të folur halla, nusja të hapë sytë
“Lepe” fjalë e parë, “Peqe” fjalë e dytë…
Grupi 2. Analiza e poezisë
-Poema vë përballë dy breza dhe dy kohë. Cilët janë këto breza e këto kohë? Grindja dhe
pakënaqësia e Hallës nis brenda në shtëpi, fillon me nusen, pra brenda familjes. Këtu ndeshja bëhet
ndërmjet dy grave; njëra plakë dhe tjetra e re.
-Amund të themi se Hanko Halla vjen nga një traditë e prapambetur, me ngjyrime orientale?
Në këto marëdhënie, kërkesa e Hanko Hallës është kërkesë për mbisundim; nusja duhet të jetë e
nënshtruar dhe do të quhet e mirë vetëm nëse i urdhërohet vjehrrës.
-Si mund të zgjidhet konflikti që shpaloset në poemë? Duhet të ndryshojë Hanko Halla, ta pranojë
ajo kohën që ka ardhur apo duhet të rinjtë të pranojnë se Hanko Halla ka të drejtë? Plaka nuk
ndryshon e nuk ka si të ndryshojë, ajo vetëm mund të shpëtojë shpirtin e saj në raport me nusen e
vet.
Grupi 3. Interpretimi i poezisë.
-Gjeni figurat stilistike me të cilat vizatohet nusja dhe thoniçfarë shprehet me to
-Cila është veta mbi të cilën fragmenit dhe egjithë poema?Çfarë realizon autori me atë vetë?
-Prezantimi dhe demonstrimi i rezultateve të arritura:
Debat: Pasi të kenë biseduar me më të rriturit, nxënësit bëjnë një diskutimm në klasë lidhur me
konfliktin e përjetshëm midis brezave në familje dhe në shoqëri.
Material në ndihmë të mësuesit:
Një kurorëzim i origjinalitetit krijues të Ali Asllanit, ku ndeshën dhe mentalitetet e ndryshme
të njerëzve në shoqëri, Hanko Halla është poema humoristike që u botua më 1933 në revistën
“Minerva”. Botimin e parë të plotë të veprës e kemi në vitin 1942. Kjo vepër u bë shumë shpejt
popullore dhe mbeti kryevepra e tij poetike, duke lënë prapa lirikat e dashurisë apo lirikën satirike.
Kjo vepër shfaq karakterin krijues të Ali Asllanit si dhe metodën e tij krijuese.
Prandaj tërë vepra është një monolg i protagonistes, Hanko Hallës, ku ajo shpreh emocionet
dhe qëndrimet e saj për mjedisin që e rrethon dhe për kohën e shkuar. Ndërsa Hanko Halla
e kundërshton apo e interpreton botën nëpërmjet monolgut, autori e shfaq veten rrallë për të
mbështetur monodramën e tij. Atëherë shtrohet pyetja , ku qëndron autori? A fshihet ai pas tonit
elegjiak të ligjërimit të Hanko Hallës, apo në tonin e theksuar humoristik, që e përshkon gjithë
tekstin e poemës, apo në të dyja rastet?Grindja dhe pakënaqësia e Hallës nis brenda në shtëpi, fillon
me nusen, pra brenda familjes. Këtu ndeshja bëhet ndërmjet dy grave; njëra plakë dhe tjetra e re.
149