LIBËR-MËSUESI-GJUHA-SHQIPE-9-

LIBËR MËSUESI GJUHA SHQIPE 9
Më pas nxënësit: a) rrëfejnë në mënyrë të përmbledhur tregimin dhe përcaktojnë temën e tij.
b) dallojnë personazhet dhe nga ç’mjedise vijnë ato në tregim.
c) Të tria vajzat kanë përjetuar lumturinë në mënyrën e tyre. Ku dallojnë ato në raport me
kuptimin që kanë për të?
- Shota: “…kurrë në jetën teme s’e dij veten ma të lume se atë natë, aty në shrregull….”
- Gjizela: “…ai zgjim, ai zgjim më bani me njoftë vetëm për nji ças si mund të jet’ lumnija.”
- Dalina: “…Un, kallëzoj të drejtën u shendova sa s’ka…..Makartash e dij qi kenka trim!”
Nxënësit japin mendimet dhe gjejnë në tekst fjalitë që mbështesin mendimet e tyre.
-Prezantimi dhe demonstrimi i rezultateve të arritura:
Nxënësit punojnë me ushtrimet e rubrikave “Analiza” dhe “Interpretimi”
Në ushtrimin 4 nxënësit punojnë në grupe dhe ndalen në portretizimin fizik të personazheve dhe
në përshkrimin e botës së tyre të brendshme të ndjenjave dhe dëshirave, duke treguar cili faktor
është përcaktues në këtë gjendje shpirtërore të vajzave (secili grup punon për një nga personazhet).
Në ushtrimin 5 Nxënësit përcaktojnë kohën dhe mjedisin ku ndodhin ngjarjet në tregim.
Ushtrimi 6. Nxënësit ndalen te personazhi Dalina duke e veçuar paksa nga dy personazhet tjera
dhe analizojnë qëndrimin e saj ndaj zakoneve të malësisë.
Në ushtrimin 7 nxënësit zgjedhin alternativën që tregon se cilën mënyrë ka zgjedhur autori për
të shpalosur botën shpirtërore të personazhit dhe argumentojnë zgjedhjen e bërë.
Në ushtrimin 8 nxënësit gjejnë veçoritë e artit të Koliqit në këtë tregim.
Vlerësimi: Bëhet vlerësimi i nxënësve për aktivizimin gjatë orës së mësimit, për saktësinë dhe
argumentimin e përgjigjeve.
Detyrë shtëpie: Bëni një ese me temë: “Ç’është për mua lumturia”
92