LIBËR-MËSUESI-GJUHA-SHQIPE-9-

PLANIFIKIMI I ORËS MËSIMORE TREMUJORI PRILL – QERSHOR
TEST, TREMUJORI I TRETË
Grupi B
PJESA LETRARE
Me prindërit
Teksa shoh pas dhe u kthehem kujtimeve të mia lidhur me marrëdhëniet me prindërit, kuptoj se
kemi kaluar nëpër një rreth shumë interesant së bashku.
Kur isha fëmijë, prindërit e mi ishin gjithçka për mua: më të mençurit, më interesantët, më të
dashurit në botë. Por kur mbusha katërmbëdhjetë vjeç filloi një ndryshim i fortë. Papritur gjithçka
mori formë tjetër dhe unë e ndryshova krejtësisht këndvështrimin për ta. Mendoja se ishin të rreptë
pa kurrfarë kriteri. Teksa unë tregoja interesa të caktuara në muzikë, modele flokësh dhe veshjesh,
ata e shihnin këtë me pakënaqësi dhe tregoheshin shumë konservatorë. Bisedat tona të cilat më
parë ishin aq të thella dhe të këndshme, u kthyen në biseda rutinë dhe sipërfaqësore. Ndieja se nuk
kisha gjë për t’u thënë. Nëse biseda zgjatej disi, e humbisja durimin, sepse idetë e tyre më dukeshin
qesharake, të dala mode. Miqve u thosha shpesh se prindërit e mi ishin komplet jashtë botës ku
jetojmë.
Por tani, teksa i kam lënë pas vitet e adoleshencës dhe jam i rritur, më duhet të pranoj se jam
gabuar. Prindërit e mi janë sërish po ata prindër të duruar, të mençur dhe të dashur siç kanë qenë
gjithmonë. Kuptoj që i kam përdorur ata si justifikim për pasiguritë dhe problemet që kam shkaktuar
vetë. Në kokën time të ngjeshur mendoja se ata nuk do të pranonin ndonjë ide tjetër përveç ideve
të tyre, por tani e di që mund t’ua besoj planet dhe ëndrrat e mia dhe ata do të më dëgjojnë me
respekt. Shpresoj që tani e tutje të mos lejoj asnjëherë interesat e mia të më verbojnë e të mos shoh
shqetësimin, kujdesin dhe dashurinë e vërtetë të prindërve të mi për mua.
1. Teksti i mësipërm është: (1 pikë)
a. Ese
b. Rrëfim personal
c. Biografi
d. Reportazh
2. Këndvështrimi i djalit për prindërit ndryshoi sepse: (1 pikë)
a. Prindërit filluan të sillen keq me djalin
b. Prindërit nuk e donin si më parë
c. Djali po kalonte një periudhë ndryshimesh moshore
d. Djali po kuptonte se marrëdhëniet mes fëmijëve e prindërve ftohen me kalimin e kohës.
Për alternativën e zgjedhur argumentoni mendimin tuaj.
(2 pikë)
3. Nga kjo pjesë mësojmë se: (1 pikë)
a. Prindërit duhet të respektojnë gjithmonë zgjedhjet e fëmijëve.
b. Prindërit kanë probleme të mëdha me perceptimin e jetës moderne.
c. Prindërit dhe fëmijët kanë një marrëdhënie të pathyeshme, pavarësisht luhatjeve.
d. Prindërit në disa raste tregohen kokëfortë dhe egoistë.
235