LIBËR-MËSUESI-GJUHA-SHQIPE-9-

LIBËR MËSUESI GJUHA SHQIPE 9
-Ndërkohë që lexohet pjesa, nxënësit e tjerë, të ndarë në grupe, mbajnë shënim vendet, qytetet,
fshatrat, malet, lumenjtë, liqenet, figurat dhe të dhënat historike që përmenden aty.( përsëri mund
të përdoret Harta e Shqipërisë)
- Dëgjohen përgjigjet e nxënësve të cilët plotësojnë njëri-tjetrin.
Më pas nxënësit përmbledhin me fjalët e tyre përmbajtjen e pjesës.
Mësuesja i orienton nxënsit të gjejnë fjalët kuçe me të cilat shkrimtari shpreh dashurinë, krenarinë
dhe dhimbjen e tij.
-Prezantimi dhe demonstrimi i rezultateve të arritura:
Për studimin e tekstit nxënësit punojnë me ushtrimet rubrikës “Kuptimi”:
1. Cila është Shqipëria me të cilën na njeh autori? ( kujtojmë që vizioni i autorit është ai i viteve
1913-1914)
- Është koha kur vendi ynë u copëtua dhe një pjesë e tokave tona iu dhanë fqinjëve.
2. Vetëm me gjeografinë e Shqipërisë na njeh autori apo edhe përtej saj? Na njeh edhe me një
pjesë të historisë.
3.Duke u mbështetur në fjalët e djalit dhe të plakut nxënësit tregojnë se për ç’plagë flasin ata.
4. Nxënësit gjejnë metaforën dhe hiperbolën përmes të cilave autori flet për dramat nëpër të
cilat ka kaluar populli ynë, historia jonë.
5. Cila është porosia që i lë plaku djalit?A na takon edhe neve kjo porosi?
- Ta ruajmë dhe të kujdesemi për tokën që na e kanë lënë të parët tanë.
Vlerësimi: Bëhet vlerësimi i vazhdueshëm i nxënësve në të gjitha hapat e orës mësimore
Detyrë shtëpie: Detyra 1: Bëni një ese përshkruese për një vend të bukur të Shqipërisë që ju e
keni vizituar dhe keni për të mbresa të forta.
34