LIBËR-MËSUESI-GJUHA-SHQIPE-9-

LIBËR MËSUESI GJUHA SHQIPE 9
Data___.____._______
Fusha: Gjuha dhe komunikimi Lënda: Gjuhë shqipe Shkalla: IV Klasa: IX
Tema: Nënë Tereza dhe papët (2 orë)
Situata e të nxënit:
Nëna jonë e shenjtë,
thënie të Nënë Terezës.
Rezultatet e të nxënit sipas kompetencave kyçe:
1. Kompetenca e komunikimit dhe e të shprehurit
2. Kompetenca e të menduarit
3. Kompetenca e të mësuarit për të nxënë
4. Kompetenca personale
Rezultatet e të nxënit të kompetencave të fushës sipas temës
mësimore
Nxënësi:
1. Tregon ç’është artikulli.
2. Portretizon figurën e Nënë Terezës në mbështetje të fjalëve
të Don Lush Gjergjit dhe Papëve.
3. Argumenton marrëdhëniet e mira të Nënë Terezës me Papët.
4. Dallon faktet, opinionet dhe citimin.
5. Analizon veçoritë gjuhësore të artikullit.
6. Përshkruan momentin kur Nënë Tereza priti Shën Gjonin II.
Burimet: Teksti i nxënësit
gazeta, revista, internet, CD.
218
Fjalët kyç: artikull, gazetë politikoreligjioze,
Nënë Tereza, Dom
Lush Gjergji, Papët, marrëdhënie,
vlerësime, bijë, ikonë, shpirt
binjak, shenjtërim.
Lidhja me fushat e tjera ose temat ndërkurrikulare: gazetari.
Metodologjia dhe veprimtaritë e nxënësve: fotoekspozitë, stuhi mendimi, lexim i drejtuar,
diskutim, pyetje-përgjigje.
Lidhja e temës me njohuritë e mëparshme të nxënësit: Fotoekspozitë, diskutim. Shkruani në
tabelë Nënë Tereza. Drejtohet pyetja: Ç’dini për Nënë Terezën? Në videoprojektor paraqiten foto
të ndryshme të Nënë Terezës dhe disa thënie që kanë vlera të mëdha për këdo. Nxënësit bëjnë
zbërthimin e tyre: “Varfëria më e madhe nuk është të mos kesh çfarë të hash, por të mos jesh
i kërkuar, i dashur nga të tjerët; të mos kesh dikë që të kujdeset për ty. Kjo është varfëria më e
madhe.”; “Dhuro dashuri kudo ku shkon. Mos lejo askënd të vijë te ty pa u larguar i lumtur prej teje.”;
“Nuk ka rëndësi se sa japim, por se sa dashuri dhurojmë në ato gjëra që japim.”
Dëgjohen mendimet e nxënësve dhe falënderohen nxënësit për përfshirjen në diskutim.
Ndërtimi i njohurive të reja: punë e drejtuar, analizë. Shkruani në tabelë titullin e pjesës “Nënë
Tereza dhe Papët”. Ç’kuptojmë me titullin? Si e zbërtheni ju? Kërkoj nga nxënësit të lexojnë bukur
artikullin. Ndërkohë shkruhet në tabelë ç’është artikulli (Artikujt janë shkrime që botohen në gazeta
ose revista. Ato janë tekste joletrare. Në to trajtohen tema të fushave dhe natyrave të ndryshme.
Artikujt kanë strukturë, e cila nis që nga titulli i artikullit. Titulli duhet të jetë i mirëmenduar. Ai
duhet të tërheqë vëmendjen e lexuesit dhe ta mbajë gjallë interesimin e tij për ta çuar deri në fund
leximin e artikullit. Ata shtrojnë problem, japin shembuj dhe ofrojnë këndvështrime të ndryshme
për zgjidhjen e tyre).
Pas leximit, nxënësit u përgjigjen pyetjeve të rubrikës “Kuptojmë tekstin”:
1. Ç’lloj gazete është “L’Osservatore Romans”? (L’Osservatore Romans është gazetë politikoreligjioze
vatikanase.)
2. A janë titulli dhe nëntitulli i artikullit të goditur, aq sa të ngacmojnë e të zgjojnë interesin e