LIBËR-MËSUESI-GJUHA-SHQIPE-9-

LIBËR MËSUESI GJUHA SHQIPE 9
Data___.____._______
Fusha: Gjuhët dhe komunikimi Lënda: Gjuhë shqipe Shkalla: IV Klasa: lX
Kompetenca: Të lexuarit
Tema mësimore: Qyteti i fundit (ora e parë)
Situata e të nxënit: Punë me
tekstin
Rezultatet e të nxënit sipas kompetencave kyçe: 1. Kompetenca e komunikimit dhe e të
shprehurit; 2. Kompetenca e të menduarit; 3. Kompetenca e të mësuarit për të nxënë; 4.
Kompetenca personale
Rezultatet e të nxënit të kompetencave sipas temës mësimore
Nxënësi:
• lexon për t’u njohur me ngjarjen dhe për ta rrëfyer me fjalët e tij;
• përcakton kohën dhe vendin ku ndodh ngjarja;
• dallon detajet me të cilat autori jep pamjen e qytetit;
• flet për imazhin që ka krijuar për dy personazhet.
Fjalët kyç: qyteti i fundit, nata e
parë, pritje, vaporë, Leka, Ana-
Maria Monti
Burimet: teksti mësimor, romani “Qyteti i fundit”, informacione Lidhja me fushat e tjera ose me
për Petro Markon.
temat ndërkurrikulare: Histori
Metodologjia dhe veprimtaritë e nxënësve: Diskutim; Kllaster; Lexim me role; Punë e pavarur.
Organizimi i orës së mësimit
-Lidhja e temës me njohuritë e mëparshme të nxënësve:
Duke u mbështetur në njohuritë që kanë rreth Luftës së Dytë Botërore, nxënësit diskutojnë në vija
të përgjithshme për zhvillimin e kësaj lufte dhe fundin e saj në vendin tonë. Më pas nxënësit njihen me
subjektinn e romanit.
Informacion për mësuesin:
Në romanin “Qyteti i fundit” bëhet fjalë për fundin e ushtrisë italiane në Shqipëri. Pas kapitullimit
të fashizmit, në portin e Durrësit mblidhen ushtarët mbetur nga lufta dhe presin anijet nga Italia për
t’u kthyer në atdheun e tyre. Pikërisht gjatë ditëve të pritjes në këtë qytet të improvizuar buzë detit,
shkrimtari Petro Marko do të zbulojë histori, drama, karaktere, psikologji të nxjerra nga njerëzit e qytetit
të fundit. Përveç kësaj autori do të sjellë dhe rrëfimin për dashurinë e oficerit të ri shqiptar, Lekës, dhe
prostitutës së bukur italiane Ana Maria Monte, viktime po ashtu e luftë dhe fashizmit.
Ndjenja mbizotëruese te “Qyteti i fundit” është humanizmi, dashuria për njeriun dhe për jetën.
Fabula e këtij romani vendoset në vitin e parë pas luftës (1945). Ngjarjet rrëfehen nga këndvështrimi i
fitimtarit, i cili në botëkuptim dhe në ndjenja është i ngjashëm me autorin që gjithashtu ishte fitimtar i
asaj lufte. Në roman më tepër rrëfehet për mundësitë e përtëritjes së viktimave të luftës për riaftësimin
e tyre, për rikthimin e dinjitetit të atyre që ishin shkatërruar psikologjikisht dhe moralisht nëpërmjet
vuajtjeve të pafundme dhe poshtërimeve më të rënda. Pra zëri i rrëfimtarit, në të cilin është njësuar dhe
zëri i autorit, shpreh gjerësisht humanizmin gjithënjerëzor. Më pas nxënësit flasin për jetën dhe veprën
letrare të Petro Markos.
Veprat kryesore: 1. Hasta la vista; 2. Horizont (poezi); 3. Qyteti i fundit; 4. Një emër në katër rrugë; 5.
Nata e Ustikës.
-Ndërtimi i njohurive të reja:
Lexohet pjesa me role dhe më pas nxënësit rrëfejne ngjarjen me fjalët e tyre. Nxënësit përcaktojnë
kohën dhe vendin ku zhvillohet ngjarja dhe diskutojnë për dy elementet që jep autori: nata dhe deti.
-Prezantimi dhe demonstrimi i rezultateve të arritura:
Ushtrimi 3. Nxënësit ndalen në detajet me të cilat autori jep pamjen e qytetit të çuditshëm. Nëpërmjet
tyre ata tregojnë nëse qyteti ngjan me një skenë teatri apo me një qytet të vërtetë.
Ushtrimi 4. Në këtë ushtrim nxënësit flasin për gjendjen në të cilën ndodhen robërit. A ndjehen
humbës ata?
Ushtrimi 5. Cili është imazhi që krijuat për Ana-Maria Montin dhe Lekën nga takimi i parë?
Vlerësimi: Bëhet vlerësimi i nxënësve për aktivizimin gjatë orës së mësimit, për saktësinë dhe
argumentimin e përgjigjeve.
Detyrë shtëpie: Bëni një ese me temë: Fitimtarët e vërtetë të një lufte janë ata që dalin më njerëzorë prej saj.
108