LIBËR-MËSUESI-GJUHA-SHQIPE-9-

PLANIFIKIMI I ORËS MËSIMORE TREMUJORI JANAR – MARS
Data___.____._______
Fusha: Gjuhët dhe komunikimi Lënda: Gjuhë shqipe Shkalla: IV Klasa: lX
Kompetenca: Të lexuarit Tema mësimore: Horaci ( 2 orë ) Situata e të nxënit: Punë me tekstin
Rezultatet e të nxënit sipas kompetencave kyçe:
1. Kompetenca e komunikimit dhe e të shprehurit
2. Kompetenca e të menduarit
3. Kompetenca e të mësuarit për të nxënë
4. Kompetenca personale
Rezultatet e të nxënit të kompetencave sipas temës mësimore
Nxënësi:
• njeh autorin dhe veprën e tij;
• dallon konfliktin qëndror të ngjarjes;
• diskuton rreth veprimeve të personazheve
• analizon personazhet;
• gjykon qëndrimet e personazheve;
• dallon strukturën e tragjedisë;
• gjen figurat letrare të përdorura në vargje.
Burimet: teksti mësimor, tragjedia “Horaci”
Fjalët kyç:
• Horaci
• Kuriaci
• e drejta e shenjtë
• burrëri
• detyrë
• viryte njerëzore
• vargu aleksandrin
• funksion stilistik
Lidhja me fushat e tjera ose me
temat ndërkurrikulare: Histori
Metodologjia dhe veprimtaritë e nxënësve: Bisedë, Lexim ne role, Diskutim, Punë e drejtuar, Punë e pavarur,
Ditari tripjesësh.
Organizimi i orës së mësimit
-Lidhja e temës me njohuritë e mëparshme të nxënësve:
Mësuesi/ja i ka udhëzuar nxënësit të sjellin informacione për autorin Pjer Kornej dhe veprën e tij.
-Ndërtimi i njohurive të reja:
Njihen nxënësit me përmbajtjen e tragjedisë “Horacio”.
Lexohet pjesa me role dhe më pas nxënësit rrëfejnë më fjalët e tyre përmbajtjen e fragmentit.
Nxënësit u përgjigjen pyetjeve për të zbërthyer kuptimin e përmbajtjes.
1.Dy heronjtë kryesorë të tragjedisë janë Horacio dhe Kuriaci. Ku ngjasojnë ata me njëri-tjetrin?
2.Ç’kuptim kanë fjalët “na vret nderi”? Si e koncepton Kuriaci detyrën dhe pse tregohet entuziast për të?
3.Si del figura e Horacit? Pse nuk e ndeshim ngurimin te ai? A mund të jetë burrëror Horaci pa qenë në të
njëjtën kohë edhe mizor? Në cilat vargje del kjo?
4.Nxënësit komentojnë thënien e Horacit: “ E drejtë e shenjtë çdo lidhje këput sot mes për mes..”
-Prezantimi dhe demonstrimi i rezultateve të arritura:
Kalohet në rubrikën “Analiza” dhe “Interpretimi”
5. Duke u mbështetur në vargun “… E shoh se nderi yt kërkon gjithë gjakun tim”, nxënësit shpjegojnë pse dy
heronjtë ndodhen në një situatë tragjike.
-Në ushtrimet 6, 7, 8 nxënësit bëjnë analizën e personazhit duke u mbështetur në fjalët që thonë e veprimet
që bëjnë dhe gjykojnë qëndrimet e tyre.
Në rubrikën “Interpretimi” nxënësit shqyrtojnë strukturën e tragjedisë, u shpjegohet ç’është vargu aleksandrin.
(Vargu katërmbëdhjetërrokësh ndryshe quhet aleksandrin , sepse këtë varg më parë e kanë përdorur poetët e
qytetit të Egjiptit, Aleksandria. Me këtë varg është shkruar poema franceze “Romani i Aleksandrit” në shekullin
XII, prej nga vjen edhe emri i tij, që është përdorur shumë në letërsinë franceze.); dallojnë antniminë dhe
figurat e tjera letrare.
Vlerësimi: Bëhet vlerësimi i nxënësve për aktivizimin gjatë orës së mësimit, për saktësinë dhe argumentimin
e përgjigjeve.
Detyrë shtëpie: Detyrë: Bëni një ese argumentuese me njërën nga temat e dhëna: Kush nuk do atdheun,
nuk di të dojë familjen e tij Kush nuk di të dojë familjen e tij, nuk do as atdheun.
173