LIBËR-MËSUESI-GJUHA-SHQIPE-9-

PLANIFIKIMI I ORËS MËSIMORE TREMUJORI PRILL – QERSHOR
Data___.____._______
TEMA MËSIMORE: Rrëfimi personal
Rezultatet e të nxënit të kompetencave të fushës
sipas temës mësimore:
Kupton veçoritë e rrëfimit personal si një tekst i një
lloji të veçantë
Interpreton informacionin e rrokur përmes dëgjimit.
Analizon detajet më domethënëse të tekstit.
Argumenton mesazhin e përcjellë përmes rrëfimit.
SITUATA E TË NXËNIT: Ç’do të thotë të
ndash me të tjerët përvoja personale?
FJALËT KYÇ:
Rrëfim
Fakt
Agresiv
Bullizëm
Dhunë
Kallëzim
BURIMET: Tekst mësimor
Lidhja me fushat e tjera ose me temat
ndërkurrikulare: sociologji, psikologji
Metodologjia dhe veprimtaritë e nxënësve: Stuhi mendimi, dëgjim i drejtuar, tryeza rrethore,
punë me grupe, diskutim
ORGANIZIMI I ORËS SË MËSIMIT
Lidhja e mësimit me njohuritë e mëparshme: Stuhi mendimi
Si e kuptoni fjalën “rrëfim”?
A mendoni se do të ishit të gatshëm të rrëfenit një sekret tuajin para gjithkujt?
Mendoni se rrëfimi është një mendjelehtësi apo një akt që kërkon tepër guxim? Si e imagjinoni
këtë akt nëse merr përmasa publike?
Ndërtimi i njohurive të reja: Dëgjim i drejtuar
Nxënësit dëgjojnë me vëmendje rrëfimin personal dhe mbajnë shënim ato detaje që do t’u
shërbejnë për të rindërtuar ngjarjen dhe për të diskutuar për momentet më të rëndësishme të saj.
Tryeza rrethore: Bazuar në pyetjet e tekstit nxënësit japin përgjigje duke u treguar sa më objektivë
dhe duke e trajtuar çështjen nga këndvështrime të ndryshme.
Punë me grupe: Duke u ndarë në grupe të vogla sipas dëshirës, nxënësit ndajnë përvoja të
ndryshme personale me njëri – tjetrin.
Prezantim i rezultateve të arritura: Diskutim
- Përmes një diskutimi të gjerë me të gjithë klasën, nxënësit nxjerrin mesazhin që kërkon të
përcjellë ky rrëfim dhe argumentojnë gjithashtu qëndrimin e autores së këtij rrëfimi.
Vlerësim: Vlerësohet logjika e shtrimit të mendimeve dhe argumentimi i tyre.
205