LIBËR-MËSUESI-GJUHA-SHQIPE-9-
Create successful ePaper yourself
Turn your PDF publications into a flip-book with our unique Google optimized e-Paper software.
PLANIFIKIMI I ORËS MËSIMORE TREMUJORI JANAR – MARS
Data___.____._______
FUSHA: Gjuhët dhe komunikimi LËNDA: Gjuhë shqipe SHKALLA: 4 KLASA: IX
TEMA MËSIMORE: Eseja e krahasim – kontrastit (ora e
parë)
SITUATA E TË NXËNIT: Krahasoj dhe
përcaktoj ngjashmëri dhe ndryshime
Rezultatet e të nxënit të kompetencave të fushës
sipas temës mësimore:
Evidenton tiparet e esesë së krahasim – kontrastit.
Kupton drejt konceptet “krahasim” dhe “kontrast”.
Bën krahasimin e figurave të dhëna në tekst.
Plotëson tabelën e të dhënave krahasuese në tekst.
BURIMET: Tekst mësimor, fletore e punës me shkrim,
pamje, foto
FJALËT KYÇ:
Ese
Krahasim
Kontrast
Vlerë
Rëndësi
Tipare
Lidhja me fushat e tjera ose me
temat ndërkurrikulare: pikturë,
fotografi, folklor
Metodologjia dhe veprimtaritë e nxënësve: Stuhi mendimi, tryeza rrethore, diskutim
ORGANIZIMI I ORËS SË MËSIMIT
Lidhja e mësimit me njohuritë e mëparshme: Stuhi mendimi
Çfarë dini për esenë dhe veçanërisht për esenë argumentuese?
Çfarë mund të thoni për esenë nëse niseni nga fakti që domethënia e saj është “të provosh”?
A mendoni se esetë mund të shkruhen për çdo lloj subjekti e tematike? Jepni mendim të
argumentuar.
Ku qëndron vlera njohëse dhe praktike e një eseje?
Kur dëgjoni të flitet për ese të krahasim – kontrastit, çfarë mendoni se duhet të realizojë një ese
e tillë?
Ndërtimi i njohurive të reja: Tryeza rrethore
Fillimisht nxënësit vërejnë me vëmendje fotot e paraqitura në tekst dhe diskutojnë rreth
ngjashmërive dhe ndryshimeve që vënë re mes kostumeve popullore të prezantuara në këto foto.
Plotësojnë tabelën e dhënë në tekst dhe disa nxënës lexojnë e të tjerët plotësojnë mendimet.
Nxënësit ndërtojnë gjithashtu diagramin e Venit për ta përforcuar edhe më mirë idenë e
krahasimit dhe kontrastit.
Prezantim i rezultateve të arritura: Diskutim
- Përmes një bisede të lirë nxënësit diskutojnë rreth tematikave që mund të trajtojë eseja e krahasim –
kontrastit dhe gjithashtu rreth vlerës njohëse e praktike që bart eseja e këtij lloji.
151