Texte - Sauerlandmundart

Dorfleben ► Vom Leben auf dem Lande
Geschichten Geschichten uut uut dem dem Ieserkuser Ieserkuser Grund
Grund
Dat Dat rechte rechte Moot
Moot
As et noch keine Zentralheizungen
goov, woorte der Küekenherd nit kalt,
un bolle jeïdes Johr wor ne nigge Uawenpiepe
fällig. Dei kunn me nu passend
maken looten bie me Heller un
Köster te Olpe op me Brauke. Eïnes
Dahs koom et Weusten Mariechen in
Iserkusen an de Busstatioun bie der
Post. Et feil fortens op, dat et dei Aremen
wiet vüarruut streckete un sou bie
twintig Zentimeïter dei Handflächen
uteneïn heil. Sou bleïf et stohn un
waarte op den Bus. Andere, dei dobie
stunnent, keïkent un wundertent siëck.
Schließlich froote der Hannes: „Mariechen,
wat is los?“ – „Ach, stör miëck
nit!“ – „Kann iëck die hellepen?“ -
„Ach watt“, siëtt et Mariechen, „stout
miëck jou nit an!
Iëk well ne nigge Piepe guallen. Iëck
holle et Moot vam Uawenluacke!“
Der Der Biggelenstiël
Biggelenstiël
Enge Februar gingent freuher dei
Bueren, wann et Wiar dat tauleit, in den
Biarrich un hochtent dat Breuholt fiür
den anderen Winter. Der Karl muchte
awer viürhiar noch en niggen Stiël in et
Biggelen maken. Dei woorte natürlich
nit gekofft, dian makete me seleves ut
ner giudd gewassenen Esche. Nu
kroomete hei sou hinger me Huuse un
goov diam Stiel noh un noh dei richtige
Fuarrem.
159
Do sooch hei den Ecken August op
siëck loskummen. Dei Karl kunn
schlecht hören – dat is noch gestrunzet
– un hei dachte bie siëck: „Wann der
August nu vorbie geïht, dann räupet hei
mie bestimmt wat tau, wahrscheinlich
siëtt hei: „Wat maakest do?“ Ungerdiamme
wor der Nohber heraangekummen,
nuckete iamme Giudden Dag tau
un reip: „Heste alt gegiatten?" – „Oh,
en Biggelenstiel“, siëtt mien Karl.
Der Der Trecker
Trecker
Et wor in den fufziger Johren, as de
Bueren siëck umestalltent un Trecker
kofftent. Dei Ossen un Peere woortent
affgeschaffet un de Arrebet met nem
Deutz odder Hanomag gedohn. Nu sind
dei Feller in unserer Giëgend recht
hängig un an mannigem Enge giëtt et
ouk nen Auber.
Domols haa siëck ouk der Bauken
Antiun sou nen Trecker taugelacht un
bruchte dian fortens biem Habersäen.
Hei haa de Sämaschine aangespannt un
touch hiën un hiar op me Felle. As hei
nu blous eïnmol noh hingen op dei Maschine
keïk, do touch hei ouk dat Lenkrad
rümme, un der Trecker gereit an
den Auber.
Hei wor alt met eïnem Viüdderrad
amme Hange, as der Bure dat mirrekete.
Do reip hei. „Hüh! - Hüh!“