Texte - Sauerlandmundart

Dorfleben ► Vom Leben auf dem Lande
He Heutied He
tied
Der Wurremes Doktor ut der Ialtië
haa et wiet gebracht. Dat leit hei de Lü
abber ouk mirreken, wann hei es siene
Ellern op dem Buerenhuave besochte.
Hei leit siëck bie den Mohltieden den
Diß immer witt decken un sprook blous
noch op de Schrift. Dei anderen muchtent
ouk houchdütsch met iamme reden,
süß goov hei keinen Bescheïd.
Eïnes Dahs ging hei ouk es met in
de groute Wiëse, as do Heu gemaket
woorte. Hei hullep abber nit, hei wull
prohlen un stund dian anderen meïstens
in’me Wia. As hei nu diurrech dat Heu
stulperte, sooch hei nen Stiel viür den
Fäuten, dei wor abber taum grözten
Deïl met Gras taugedecket. „Was liegt
denn da?“ froote hei siene Süster. As
hei noch en Schriëtt makete, kreïch hei
op-es eïnen met diam Stiël viür den
Kopp. Do reip hei: „Verdammte Harreke!
- Miststücke!“
De De Noutbichte
Noutbichte
Aubers Richard is met siener Fraue in
der deipen Wiëse am Mehen. Der Richard
liëtt eïne Schlah noh der anderen
dohiën, de Karline schmitt dat Gras op
de Spreïh.
162
As nu giëgen Middag en Gewitter
losgeïht, krupent beie unger ne dichte
Füchte am Biarre un schuerent. De
Blitze zuckent un der Diunner rummelt,
et wert dian beien ganz unheïmliëck in
diam Gestrüpp.
Dat Karlin kritt et met der Angest te
daun un siant siëck jeïdesmol, wann et
blitzet. Ümme en Tied siëtt et fiür den
Richard: „Hör ens! Wat is, wann et uns
hie doutschleït? Vie hent alt siet Ousteren
nit meïh gebichtet.“
Der Richard meint: „Wann Nout is,
kannste jeïdem diene Sünden siën. –
Du bichtest mie, un iëck bichte die,
fang du ens aan!“
Hei settet siëck dohiën as en Pastouer,
un et Karlin tellt op, wat et verbruaken
het. As et siëck aanklaht: Iëck sie
im Kommoud amme Gelle gewiast“, do
dreht hei siëck rümme un siëtt: „Dovan
spriakent vie nohiar noch! – Widder!“
Karlin brenget noch allerhand vüar.
Taum Schluß meint der Richard: „Karlin,
dat heh iëck nit hinger die gesocht!“
„Jetz is de Riggel an die“, siëtt et
Karlin. Do luert es der Richard diürrech
de Rieser un meint: „Et weert heller. Et
klört siëck op. Iëck glöübe, dat Bichten
is nit meïh nöidig!“