Texte - Sauerlandmundart

Dorfleben ► Vom Leben auf dem Lande
Der Der Avekoote
Avekoote
En Buere haa ne Saake viür Gerichte
uttefechten. Hei nohm siëck en giudden
Avekooten. Am fastgesatten Dah troopent
siëck beie in me Amtsgerichte. Sei
haant noch en wiënnig Tied und gingent
op dem Flure hiën un hiar. Der
Buere leit den Avekooten luter rechts
gohn; wann sei siëck rümmedrehtent,
ging der Buere jeïdesmol ümme sienen
Begleiter rümme, domet hei dian wiër
an siener rechten Siete haa. Dem Juristen
woorte dat langsam te dumm, un
hei sachte: „Lassen Sie doch den Unfug!“
– „Och,“ siëtt der Buere, „dat sie
iëck sou gewannt: Wann iëck te Heïme
met mienen Ossen föihere, dann lote
iëck dei ouk luter rechts gohn!“ – Do
schweïg der Avekoote stille.
Giudde Giudde Ernte
Ernte
Freuher gingent dei Mannslüh ut der
Noberschop geren op en Pröhltiën in
dei Wiarrikstiën. Der Schauhmiacker
wor jou den ganzen Dag te Heïme un
freuete siëck über jeïde Affwesselunge.
Ouk biem Schmiëd un biem Schriener
wor luter wat los. Sou koom eïnes
Nohmiddags in der Lichtstunde Nohbers
Henderich un vertallte dem
Schriener, wat dian Dag sou vüargefallen
wor.
Hei strunzete geren, dat wor bekannt.
Hei ha de besten Blahn, un de
Kauh goov de meïste Miëlleck. Nu siëtt
hei: „Kerel, Peïter, vie hent diën Dag
Kolleraben utgemaket. Dat sitt Klötze
diën Hiarrebest! Du glöübest et nit!
Abber fiev Stück, un de Mande is viull!
161
Iëck krieh se kuum diurrech dat Kellerluack!“—„Djunner!“
siëtt der Peïter,
„dat wör jou!“ Andern Dages süht der
Schriener, wou der Henderich wiër met
nem Wagen Kolleraben an dat Kellerluack
föihert. As dei den Ossen utgespannt
het, räupet der Schriener:
„Henderich, pack es iabent aan!“ Der
Nober kiümmet ouk fortens in de Wiarrikstië.
„Hillep mie es! Iëck well dei
Kreissia ens bruuken!“ Der Peïter un
der Henderich munt siëck richtig plohn,
bit dei Kreissia niaber dem Kollerabenwagen
te stohn kiümmet. „Wat sall
dat dann?“ wundert siëck der Buere.
„Joh“, siët der Schriener, „du hest jou
sou dicke Kolleraben, vie wellt dei eïnmol
diurrechschnien. Dann passent dei
biatter diurrech dat Kellerluack!“
Advent Advent
Advent
Freuher wor et Gesette, dat me in
der Fastentied un ouk im Advent keine
Hochtieden fiëren sull. Kuart viür dian
Wiaken kunn et dann ouk es tau nem
starreken Aandrang im Fiëren kummen.
Sou ouk kuart noh me twetten Weltkriege
in Ieserkusen. Et wor ouk Gesette,
dat der Pastouer dei Paare viür der
Hochtied dreimol sunndags in der Kiarreke
„van der Kanzel schmeït“, sei
woortent opgeraupen. As nu der Vikar
op me Priadiggestauhle stund un et
kein Enge nohm met den Namen van
dian Hochtiedern, meinte hei ganz drüge:
„Es scheint einen kalten Winter zu
geben!“