Latgalistikys kongresu materiali, III. 2011. - Latvijas Universitāte
Latgalistikys kongresu materiali, III. 2011. - Latvijas Universitāte
Latgalistikys kongresu materiali, III. 2011. - Latvijas Universitāte
Create successful ePaper yourself
Turn your PDF publications into a flip-book with our unique Google optimized e-Paper software.
Prīškvuordi<br />
2010. goda 21.–22. oktobrī Vuocejis zīmeļaustrumu vacajā Hanzys<br />
piļsātā Greifsvaļdē nūtyka 3. storptautyskuo latgalistikys konfereņce ,,Volūdu<br />
ekologeja Baļtejis jiurys regionā: regionaluos volūdys globalizacejis<br />
laikūs“.<br />
Konfereņce turpynoj 2008. godā suoktū tradiceju vītuos, kurom ir sakars<br />
ar baltistiku, reikuot latgalīšu volūdys i kulturys vaicuojumim veļteitu<br />
zynuotnisku dūmu apmaiņu (tai beja 2008. godā Sanktpīterburgā, tai —<br />
2009. godā Rēzeknē). Vuocu dzejnīka Ernsta Morica Arndta vuordā nūsauktuos<br />
Greifsvaļdis Universitatis Baltistikys nūdaļa par konfereņcis vītu<br />
tyka izalaseita partū, ka tei ir vīneiguo universitate Vuocejā, kurei realizej<br />
baltu filologejis studeju programys kai bakalaura, tai magistra leiminī.<br />
Konfereņcis nūsaukums ruoda, ka atškireibā nu cytu godu konfereņču<br />
pīsadaleit tyka praseiti na tik latgalistikys specialisti, a i zynuotnīki, kurī<br />
pietej Baļtejis jiurys regiona cytys mozuos volūdys. Taids aizdavums tyka<br />
izvierzeits, kab varātu saleidzynuot situaceju ar mozajom i regionalajom<br />
volūdom vysaiduos vaļstīs. Zynuotnīki meklēja atsaceišonys iz vairuok<br />
vaicuojumu: kai kur teik dūmuots par volūdu izglobuošonu i jūs korpusu<br />
atteisteišonu, kaids oficialais statuss atteiceigom volūdom kuramā<br />
naviņ vaļstī ir daškierts, kai tys ir grūzejs runuotuoju i plotuokys sabīdreibys<br />
attīksmi. Globalizacejis laikūs aug lelūs, storptautyskūs volūdu nūzeime,<br />
deļtuo aktualizejās vaicuojums: a kas tūlaik nūteik ar mozajom volūdom?<br />
Voi juoļaun jom aizīt nabyuteibā ci juoroda augšonai pīmāruota vide,<br />
kab vystik juos nūturēt, kab nūsorguot i deļ bārnu bārnu, kai tys nūteik<br />
ar ratim, aizsorgojamim, zeimoj — seviški kūpamim i žālojamim, augim.<br />
Taidi augi sevkurai vītai daškir vierteibu i unikalitati, tai tys var byut i ar<br />
mozajom volūdom, kuruos boguotynoj regionu, kur juos teik lītuotys.<br />
Konfereņcē par īprīkš pīmynātajim vaicuojumim izastuoja 36 zynuotnīki<br />
nu Latvejis, Pūlejis, Krīvejis, Italejis, Vuocejis, Beļgejis i Fraņcejis.<br />
Jūs pietejumu tematikys īspaideiguo daudzveideiba atsakluoj ituo kruojuma<br />
rokstūs, kur var skaiteit par latgalīšu i cytu mozūs volūdu ci dialektu<br />
lingvistiskajim, socialajim i politiskajim vaicuojumim, par viesturis, folk-<br />
3
Change language