Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 88
2.4.5.3 Finantza iturriak
Finantza iturriak aztertzerako orduan familia, lagunak, lankideak, bankuak eta
finantza erakundeak, gobernuko programak eta beste medio batzuk hartu dira kontuan.
Familiarengandik finantzazioa jasotzen duten ekintzaileen portzentajea jaitsi
egin da, 2004ean %33 izatetik 2006ean %18 izatera pasa da, beraz pisua galtzen joan da
finantza iturri hau.
Lagun eta ezagunengandik jasotzen den finantzazioa aldiz, modu esanguratsu
baten hazi da, %7tik 2004an %28ra 2006an. Horrela, lagun eta ezagunen finantza
iturrien hazkuntzarekin, familiaren finantzazioaren jaitsiera konpentsatuta geratzen da.
Azken urteetan banku eta finantza erakundeen finantziazioa jaitsi egin da.
Interes tasen etengabeko igoerak paper garrantzitsu bat bete du fenomeno honetan,
banku eta finantza erakundeen presentzia proiektu ekintzaileetan erdira murriztuz
(%60tik %28ra).
Enpresa hasi berriei laguntzeko gobernu maila ezberdinetatik datozen programak
geroz eta garrantzi handiago hartzen ari dira, finantza iturri oso garrantzitsuetan
bihurtuz. Laguntza hauek ez dira soilik proiektuentzako fondoetan bihurtzen baizik eta
askotan beharrezko zerbitzuen gastuak aurrezteko bide egoki bat izan daitezke
(Kontsultoreak, abokatuak, aholkulariak, etabar).
“Beste medio batzuk” atala garrantzitsu gisa kontsideratu daiteke baina ezin dira
zehaztu bertako iturriak zein diren. Ekintzaileek proposaturiko finantza iturriez gain
beste batzuk ere erabiltzen dituztela argi dago beraz, atal honetan business angel,
venture capital edo arrisku kapitaleko erakundeak daudela suposatzen da.
2.9 taula
EAEko ekintzaileek erabilitako finantza iturriak
% 2006 2005 2004
Zuzeneko familia 14,3 16’8 22’7
Gainontzeko familia 4’3 2’8 9’1
Lankideak 2’3 2’8 16’7
Lagunak eta ezagunak 28 11’1 7’6
Bankuak eta finantza erakundeak 28’1 61’1 60
Gobernuko programak 21’1 22’3 6’1
Beste medio batzuk 14 - -
Iturria GEM EAE 2006
Bioteknologia enpresak sortzeko eragile erabakigarriak Euskal Autonomia Erkidegoan