Enpresa bioteknologikoak sortzeko eragile erabakigarriak ... - Euskara

5. Kapitulua: Bioteknologia enpresen eta ekintzaileen karakterizazioa 260
Esportazioetan ere gauza bera gertatzen da, enpresa sortu berriak presentzia
handiagoa dute atzerrian, salmenten herena baino gehiago zuzentzen baitute atzerrira
(%36), enpresa kontsolidatuek aldiz, salmenten %0,25 solik bideratzen dute
esportazioetara.
5.2.3.3 Pertsonak
Bioteknologia enpresek sortzen duten enplegua, maila altukoa kontsideratzen
da. Horretarako, sortutako enpleguaz gain, enpleguaren kalitatea neurtzeko, doktore eta
lizentziatuen kopurua hartu da kontuan. Gainera, langile atzerritarren eta atzerritik
etorritako euskal ikertzaileen kopurua ere aztertu da.
Bioteknologia enpresak 2006. urtean 265 langile zituzten (n=19) eta lanean
aritzen diren lizentzitu eta doktoreen kopurua altua dela kontsideratu daiteke, 149 eta 59
hurrenez hurren (n=16). Beraz, bioteknologia enpresetan pertsonen %67 lizentziatua da
eta %26 doktorea. Langile atzerritarren kopurua ere aztertu da, 30 izanik guztira (n=16),
hau da, %13 (5.6 irudia). Kontuan hartu behar da Progenika Inc. enpresa Bostonen
aurkitzen dela kokatua eta Progenika taldeko enpresen artean guztira 25 langile
atzerritar dituztela. Beraz, zifra hau oso baldintzatua dago enpresa bakar baten
jarduerara, hau da, Progenika taldearen emaitzetara.
Bioteknologia enpresa kontsolidatuek enplegu gehiago sortzen dute, enpresa
sortu berriekin alderatuz, normala kontsideratu daitekeen bezala (5.5 taula eta 5.7
irudia). Horrela, enpresa kontsolidatuetan enpleguaren media 19 pertsonetakoa den
bitartean, enpresa sortu berrietan 8 pertsonetakoa da. Lizentziatu eta doktoreen kopuru
eta portzentajeek ere ezberdinatsunak erakusten dituzte, txikiak badira ere hauek.
Enpresa sortu berrietan lau pertsonetatik hiru lizentziatua da (%74) eta enpresa
kontsolidatuetan aldiz zerbait bajuagoa da portzentaje hori (%64). Doktoreei
dagokionez enpresa sortu berriek portzentaje altuagoa dute hemen ere %29rekin,
enpresa kontsolidatuetan doktoreak %25 diren bitartean 107 .
Sortutako enplegua, enpresaren adinaren arabera banatzeaz gain, lau jarduera
sektoreetako emaitzen azterketa ere egin da: osasuna, nekazaritza, industria eta
ingurugimena eta zerbitzuak (5.6 taula).
107 Lizentziatuen eta doktoreen portzentajea kalkulatzerako orduan n=16 populazioko datuak hartu dira
kontuan. Datagene, DPK, Vita Aidelos eta Bioftalmik enpresen datuak falta direlako.
Bioteknologia enpresak sortzeko eragile erabakigarriak Euskal Autonomia Erkidegoan