Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 29
2. EKINTZAILETASUNA
2.1 SARRERA
Anglosaxoiek entrepreneurship terminoa erabiltzen dute enpresa sorketa
azaltzerako orduan. Gaztelaniaz, creación de empresas terminoa erabiltzen da
gehienbat, ahaztu gabe, emprendizaje, emprendimiento, empresarialidad, espíritu
empresarial, etabar bezalako kontzeptuak. Euskarazko erabilpenean ekintzailetasuna,
enpresa sorketa eta enpresa izpiritua bezalako hitzak azaldu ohi dira literaturan.
Anglosaxoien entrepreneurship kontzeptua nahiko homogeneoa den bitartean,
bai erdaraz eta bai euskarazko literaturan ez da homogeneotasun hori existitzen.
Ikerketa proiektu honetan batik bat ekintzailetasuna terminoa erabiliko dugu, enpresa
sorketa eta enpresa izpiritua terminoak alde batera utzi gabe.
Enpresa bat abian jartzen duen pertsona edo pertsona taldea definitu eta
izendatzerako orduan, historian zehar eta gaur egun hainbat definizio eta izendapen
aurki ditzazkegu. Izendapenei dagokionez, enpresa-sortzaile, ekintzaile, enpresa-buru,
enpresario eta entrepreneur bezalakoak erabili izan ohi dira. Denek helburu bera dute:
enpresa bat sortzen duen pertsona identifikatu eta deskribatzea.
2.2 EKINTZAILETASUNA
2.2.1 Ekintzailetasuna, enpresa sorketa eta enpresa izpiritua
Europako Batzordeak enpresa iniziatibaren dinamika azaltzerako orduan enpresa
izpiritua terminoa erabiltzen du, alderdi anitzekoa dela zehaztuaz eta nahiz eta
testuinguru eta erakunde ezberdinetan azaldu daitekeen, bai ekonomikoak eta bai
besteak, Batzordeak eginiko Liburu Berdean, enpresaren testuinguruko enpresa izpiritua
honela definitzen da (COM 2003-1):
“Enpresa izpiritua erakunde berri edo existitzen den erakunde baten
sormen, berrikuntza eta arrisku hartzearen konbinaziotik edota kudeaketa
sendo baten bidez, aktibitate ekonomiko bat sortzeko portaera eta prozesua
da”
Ekintzailetasunaren literaturan, Herbert eta Link-ek (1989) hiru ohitura
intelektual ezberdin azaltzen dituzte: Alemaniarra (von Thuenen eta Schumpeter);
Neoaustriarra (Mises, Kirzner eta Shackle); eta Chicagoarra (Knight eta Schultz).
Bioteknologia enpresak sortzeko eragile erabakigarriak Euskal Autonomia Erkidegoan