Enpresa bioteknologikoak sortzeko eragile erabakigarriak ... - Euskara

5. Kapitulua: Bioteknologia enpresen eta ekintzaileen karakterizazioa 250
taldeak, jarduera motak aldatzeaz gain zabaldu egin delako nazioarte mailara. Taldeko
enpresa guztiak osasun sektorean jarduten dute.
5.2.2.2 Midatech
Erresuma Batuan du jatorria Midatech taldeak eta honako enpresak ditu bere
baitan taldeak: Midatech Ltd., Midatech Biogune S.L., Midatech Andalucia S.L. eta
Cura Vaccines Ltd.. Nanozelulak bezala ezagutzen diren nanopartikula biokonpatibleen
diseinuan, sintesian eta ekoizpenean jarduten dute taldeko enpresak. Osasun sektorean
nahiz beste industrietan nanozelula hauek hainbat produktu sortzeko erabiltzen dira,
funtzio eta aplikazio ezbedinak aurkituz diagnosi eta terapeutiko arloetan. Enpresa-talde
honek eredu subsidiarioa erabiltzen du, horrela, Midatech Ltd. enpresak hiru enpresa
subsidiario ditu jabego osoarekin.
Taldeko lehen bioteknologia enpresa, Midatech Ltd., 2000. urtean sortu zuen
Tom Rademacher 96 doktoreak CSIC erakundearekin gauzatutako kolaborazioaren
ondorioz. Erresuma Batuan kokatzen da enpresa eta gaur egun enpresa taldeko
eguneroko operazioez arduratzen da hala nola, plangintza estrategikoa, lizentzia eta
kontratuen negoziazioa eta patenteen kudeaketa.
Ondoren, 2005. urtean, Midatech Biogune enpresa bioteknologiko
subsidiarioaren sorketa etorri zen nanopartikula sintetikoen diseinu eta ekoizpenerako.
Midatech Biogune Bizkaiko teknologi elkartegian kokatzen da, gainontzeko
bioteknologia enpresen alboan. Beraz, enpresa bioteknologiko honen rola ekoizpenera
mugatzen da batez ere. Hasiera baten Midatech Ltd. eta bioGUNE IKZ erakundeen
arteko kolaborazioaren biratez I+G laborategi bat ezarri zuten eta aurrerago, 2005.
urtean, ekoizpenerako planta bat sortzea erabaki zuten. Horrela, Midatech Biogunen
I+Grako laborategia edukitzeaz gain, GMP kalitate farmazeutikoarekin 97 ekoizten dira
nanopartikulak, farmazeutikoki aktiboak diren osagaiak eta ez produktu farmazeutikoak.
Azken hilabeteetan, indarrak beste erakunde batzuekin produktu garapenerako
programak gauzatzeko akordioak lortzean batzen dira. Horrela, bi erakunde
96 Tom Rademacher doktorea University College London-eko irakaslea da eta University of Wisconsin-
Madison-en doktoratu zen biokimikan 1980. urtean. Besteak beste University of Oxford-eko Glycobiology
Institute-n kofundatzailea, Oxford-etik Londoneko burtsan lehenbizikoz kotizatu zuen bioteknologia
enpresaren sortzailea da eta hainbat bioteknologia enpresa sortu ditu: Rodaris Pharmaceuticals Ltd.,
Lascaux Pharmaceuticals Ltd. eta Sylus Pharmaceuticals.
97 GMP kalitate farmazeutikoa produktuaren efikazia eta ziurtasuna bermatzen dituen prozedura multzoa
da.
Bioteknologia enpresak sortzeko eragile erabakigarriak Euskal Autonomia Erkidegoan