Enpresa bioteknologikoak sortzeko eragile erabakigarriak ... - Euskara

4. Kapitulua: EAEko biozientzia enpresen sorrera XXI. mendean 230
espezializazioren araberakoa izan ohi da eta patenteen bitartez lortzen dira sarrerak
batipat.
4.4.3 BioBasque Agentzia
BioBasque Agentzia Eusko jaurlaritzak BioBasque 2010 estrategia garatzeko
sortutako lehen tresna da. Agentzia honek ez du entitate juridiko propioa, SPRIrena da
hain zuzen ere, Eusko Jaurlaritzaren sozietate publikoarena (Industria, Merkataritza eta
Turismo Saila). Agentziaren eginkizuna estrategia monitorizatzea, garatzea, eta behar
izanez gero, berbideratzea da. Zeregin horretan hainbat funtzio burutzeaz gain, zenbait
elementuren jarduerak koordinatu behar dira. Oro har, bio-klusterra eraikitzen
lagunduko duen esparrua sortzeko erantzukizuna du eta praktikan, honakoak izango
lirateke funtzio hauek:
• Biozientzien inguruko gaietan aholkularitza lanak egitea Eusko
Jaurlaritzarentzako.
• Estrategia ezarri ahal izateko aholku zehatzak ematea eta estrategia barneko
jarduera berrien diseinua: bioGUNE, biomaGUNE eta Biokabi.
• Industria, Merkataritza eta Turismo Sailaren eta SPRIren fondo eta laguntza-
programen inguruan aholkularitza: I+G programak eta enpresa berriak
sortzeko laguntza programak.
• EAEko biozientzien sektoreari buruzko informazioa ematea, sektorearen
mapa eta enpresa jardueraren txostenak.
• Biozientzien alderako dibertsifikazioa egiten duten agenteak orientatzea
(enpresak, agente zientifkoak, osasun sektorea).
• Biozientzietako jarduerei eta EAEko estrategiari buruzko barne eta kanpoko
marketinga egitea eta eskualdez gaindiko lankidetza egitea.
BioBasque 2010 estrategia jarraituz BioBasque Agentziaren lana jarduera
ezberdinak koordinatzea eta interesak lerrokatzea da. Horrela, erakunde espezializatuen
bitartez hainbat emaitza lortu da. Honakoak izan dira emaitza horiek:
• EAEn kokatuta dauden enpresa berritzaileen zentroek (BEAZ, BIC Berrilan,
CEIA eta Saiolan), enpresa berriak sortu ahal izateko izpiritu ekintzailea
zabaltzeko eta ekintzaile potentzialak identifikatu eta babesteko ardura dute.
Zentro hauetako tutoreak funtsezko elementuak dira enpresa proiektu berri
batek behar dituen laguntza-tresnak ondo konbinatzen laguntzen baitute.
Gainera, tutore horiek Administrazioekin ez ezik, inbertitzaile potentzialekin
Bioteknologia enpresak sortzeko eragile erabakigarriak Euskal Autonomia Erkidegoan