Enpresa bioteknologikoak sortzeko eragile erabakigarriak ... - Euskara

3. Kapitulua: Bioteknologia industriaren nazioarteko egoera 172
Iturria: Statistics Canada
3.12 irudia
Finantza-iturrien sailkapena 2003
Enpresa txikien taldea aztertuz gero, finantza-iturri nagusiena 2003an, Kanadako
arrisku-kapitala da (%30). Portzentaje hau nabarmen jaitsi da 2001 urtetik, %57 baitzen
orduan. Urte horietan enpresa teknologikoek izandako burbuilaren krisialdia
nabarmendu egin da alderdi finantzarioan. AEBetako arrisku-kapitaleko enpresak ere
finantza-iturri garrantzitsuak dira kanadar bioteknologia enpresa berritzaile txikietan,
ondoren fondo pribatuak eta bigarren mailako eskaintza publikoak azpimarratu beharko
lirateke, biek %14 suposatzen baitute. Ohikoa denez, familia eta business angels-etan
jatorria duten fondoak media baino altuagoak dira enpresa txikietan (%5).
Enpresa ertainen taldeari dagokionez finantzazio eskasa lortu dute kanadar
arrisku-kapitaletik, %2 soilik dator mota honetako finantza erakundeetatik. 2001. urtean
%26 zetorren arrisku-kapitaleko enpresa kanadarretatik, beraz, hemen ere burbuila
teknologikoak eragin nabarmena izan du. Zehaztu gabeko “besteak” da finantza iturri
nagusiena %57arekin eta ondoren bigarren mailako eskaintza publikoak %22rekin.
Bioteknologia enpresak sortzeko eragile erabakigarriak Euskal Autonomia Erkidegoan