Enpresa bioteknologikoak sortzeko eragile erabakigarriak ... - Euskara

4. Kapitulua: EAEko biozientzia enpresen sorrera XXI. mendean 221
4.3.3 Inguruneko agenteak
Biozientzia enpresek inguruneko agenteekin dituzten erlazioak bi mailatan
banatu ditzazkegu: ekintzaileentzako dauden egitura edo agente orokorrak alde batetik,
eta bestetik biozientzien sektorerako bereziki sortutakoak.
Agente generikoak ondokoak dira:
- EAEko lau unibertsitateak. Oso garrantzitsua da unibertsitateko
laborategiekin kolaborazioa eta aliantzak egitea, oinarrizko ikerketaren sortzaile
direlako eta start-up edo spin-off enpresen hazia. Aipagarria da Unibertsitateko
Enpresa Mintegiaren eta Zitek Mintegiaren sorrera 83 1999. eta 2007. urteetan
hurrenez hurren.
- Eskualdeko berrogeitalau ikerketa eta teknologia zentroak, ikerketa
aplikatuaren ondorioz, enpresekiko gertutasun handiagoa dute. Ondorengo
puntuetan deskribatzen dira biozientzien gainean egindako ikerketetatik gertuen
dauden zentroak.
- Administrazio publikoa, batez ere SPRItik zuzendutako akzioen bitartez:
enpresa berriak sortzeko laguntzak, arrisku kapitaleko enpresaren bidezko
finantzazioa eta azpiegituratan duen partaidetzarekin. Aipatzekoa da ere Eusko
Jaurlaritzako Industria, Merkataritza eta Turismo sailak biozientzia enpresen
garapenerako I+Gko proiektuetan eskaintzen dituen laguntzak. Oinarri zientifiko
eta teknologikoko enpresak garatzeko proiektuak egiteko laguntza programak
(NETs) eta ikerketa estrategikoei laguntzako programak (Etortek) adibide bezala
hartuz gero ondoko emaitzak jaso ditzazkegu 2005 eta 2006 urteei dagokienez:
o NETs programa: 2005. urtean 3.999.837,19 euroko laguntzak egon
ziren eta 1.042.050 biozientzia enpresa eta erakundeek jaso zituzten,
hau da, laguntza totalaren %26 biozientzien sektorera zuzendua
zegoen. 2006. urtean aldiz, laguntzen zenbatekoa 3.998.558,17
eurokoa izanez en eta kasu honetan jasotako laguntza 978.049,49,
hau da, % 24,5 hain zuzen ere. Beraz, administrazioarentzako
biozientzien sektorea estrategikoa da hurrengo urteetako industria
garapenerako.
83 Bi mintegi hauen sorrera eta garapenari buruz zehatzago jardungo “4.3.4 EAEko enpresa berritzaileen
zentroen sarea” puntuan.
Bioteknologia enpresak sortzeko eragile erabakigarriak Euskal Autonomia Erkidegoan