Enpresa bioteknologikoak sortzeko eragile erabakigarriak ... - Euskara

3. Kapitulua: Bioteknologia industriaren nazioarteko egoera 148
Produktu farmazeutikoen ekoizpena (Pharmaceutical and Medicine
Manufacturing – 3254)
Ikerketa zientifiko eta garapenerako zerbitzuak (Scientific Research and
Development Services – 5417)
AEBetako sektorean murgilduz, tamaina eta azpisektorearen arabera barietate
handia dago (3.2 irudia). I+Gra soilik dedikatzen diren enpresa txikietatik hasita,
tamaina handiko enpresa dibertsifikatuetaraino.
Oinarrizko jarduera I+Gan oinarritzen duten enpresak normalean arrisku
kapitala, laguntza publikoak, lankidetza hitzarmenak eta burtsa bezalako finantza
iturriak erabili ohi dituzten bitartean, enpresa handiek egonkortasun finantzarioa ematen
dieten fondo propio nahikoak izaten dituzte.
Bioteknologia negozioaren barnean, enpresa handienak sortzen dituzte sarrera
eta salmenten zatirik handiena, nahiz eta sektoreko enpresen %60ak 50 langile baino
gutxiago izan eta %90ak 500 baino gutxiago. Enpresa bioteknologikoen %2ak soilik du
15000 langile baino gehiago, enpresa hauek, bioteknologiarekin zerikusia duten
jarduerak dituzten sektore farmazeutikoko enpresak dira.
Orokorrean industriako enpresa gehienak ez dira jarduten soilik bioteknologian.
Hala ere, enpresen %90ak sarrera, salmenta eta langileen %75 bioteknologia jarduerekin
zerikusia du. Enpresa txikiak gailentzen dira guztien aurretik, enpresa handienak sektore
farmazeutikokoak baitira, non salmenten portzentaje txiki batek du zerikusia
bioteknologiarekin. Azken enpresa handi hauek beste negozio batzuetan finkatuta
dauden enpresak dira eta produktu bioteknologikoak barneratzen dituzte beraien
produktu-karteretan.
Bioteknologia sektoreko hurbilketa estatistiko fidagarrienak Biotechnology
Industry Organization (BIO 59 ) -AEBetako erakunde sektoriala- eta Ernst & Young
aholkularitza enpresak emandakoak dira.
BIO erakundeak 1994. urtetik darama datu bilketa egiten eta honako bilakaera
aurkezten du Ernst & Young aholkularitza enpresak urtero argitaratzen duen
bioteknologia industriaren txostena oinarri hartuta (BIO 2006):
59 Biotechnology Industry Organization (BIO) AEBtako erakunde sektorial bat da, 1993. urtean sortua.
Urtero nazioarteko kongresua antolatzen dute, bioteknologia arloan egiten den ekitaldirik handiena.
Bioteknologia enpresak sortzeko eragile erabakigarriak Euskal Autonomia Erkidegoan