Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 49
sortutako desoreka dinamikoa dela aldarrikatzen du. Giza-ekintza orotarako baliabideak
beti berdinak direla azpimarratzen du, hau da, baliabide ekonomikoak (kapitala, lurra,
lana, zuzendaritza eta denbora). Lehen aipatu bezala, ekintzaile berritzaileak aldaketa
arau osasuntsu gisa ikusten du eta are gehiago, aldaketa bilatzen du, aldaketa honi
erantzun eta aukera gisa ustiatzen duen heinean (Drucker 1985).
Harvard University-ko enpresa iniziatiba katedradun den Howard Stevenson eta
bere eskolakoa den José C. Jarillo-k kanpo-baliabideen mobilizazioaren beharraren
inguruan sakontzen dute beraien obretan.
Horrela, dituen baliabideak kontuan hartu gabe, aukeraren atzetik dabilen
gizabanako bezala azaltzen da. Aukerak identifikatzeko gizabanako berezi bat da eta
jakinik berau ustiatzeko baliabide propioak ez dituela, ekintzailea gai da, hala ere,
kanpoko baliabideak mobilizatzeko. Besteen eskuetan dauden baliabideak bere
aukeraren esplotaziora hurbil daitezen motibatzeko gai den pertsona da (Stevenson eta
Gumpert 1985).
Jarillo-k baliabideen jabe diren pertsonen konfiantza lortzearen beharra
azpimarratzen du, antzemandako aukerei heldu ahal izateko. Ondoren, baliabide hauek
era onuragarri baten konbinatzeko abilezia izan behar du ekintzaileak (Jarillo 1986).
1985. urtean Jeffry Timmons-k baieztatu zuen:
“Enpresa-izpiritua ezerezetik zerbait sortu eta eraikitzeko trebetasuna
da; giza generoaren kreazio-ekintza bat. Erakunde edo enpresa baten
sorreran askatutako energia pertsonala. Kalkulatutako arriskuak hartzean eta
porrota ekiditean datza. Liderraren trebetasun eta gaitasunak osatzen
dituzten enpresa-talde fundatzaile bat eraikitzeko abilezia da. Besteek kaosa,
arriskuak, kontraesanak eta nahasteak ikusten dituzten tokian aukerak
ikusteko trebezia. Baliabideak identifikatu, pilatu eta kontrolatzeko (askotan
beste eskuetan daudenak) jakintza edukitzea eta bermatzea hauek ez faltan
ez izatea behar diren kasuan”.
“Enpresa-sortzaileek oso gogor egiten dute lan, konpromiso eta
iraunkortasun sentipen batek bultzatuta. Osotasunaren alde borrokatzen
dute. Gogoa berotu egiten zaie irabazi eta elkar-banatzearekin. Porrotak
ikaste-tresna gisa erabiltzen dituzte eta nahiago dute efikazia perfekzioaren
ordainetan. Nor bere buruaren gain konfiantza osoa dute eta horrek ahal
Bioteknologia enpresak sortzeko eragile erabakigarriak Euskal Autonomia Erkidegoan