Enpresa bioteknologikoak sortzeko eragile erabakigarriak ... - Euskara

4. Kapitulua: EAEko biozientzia enpresen sorrera XXI. mendean 233
ingurunea, Unibertsitatea, IK4 Korporazio Teknologikoak eta Tecnalia
ordezkatzen ditu.
• Europarekin lotutako erakundeak edo erakundeen sailak (SPRIren
Innovation Relay Centre edo Eurobulegoa) biozientzien eremuko laguntza
espezifikorako instrumentuak dira.
• Eusko Jaurlaritzako hainbat sailek, SPRIk eta Foru Aldundiek, laguntza
orokorren baitan, biozientzia jarduerei buruzko koordinazio-arloak
identifikatzen dituzte, eta batzuetan, akordio zehatzak sinatzera ere heldu
dira.
• Finantza erakundeek paper garrantzitsua betetzen dute batez ere enpresa
sektoreraren garapenean, horregatik ezinbestekoa da erakunde hauen parte
hartzea hazkuntza eman dadin.
Horrela, BioBasque Agentziaren jarduerek berrikuntza sisteman duen eragina
azaltzeko errepresentazio grafiko erabili da (4.10 irudia), sistemako partehartzaile
guztiak hartuz kontuan: enpresak, Administrazioa, I+G sistema, erakunde euskarriak eta
ingurunea.
4.4.4 Enpresa berritzaileen zentroen sarea
Berrikuntzaren erronkari aurre egin ahal izateko ezinbestekoa da enpresa
berritzaileak sortzea, OTEBak hain zuzen ere. Testuinguru honetan sortu ziren enpresa
berritzaileen zentroak (hemendik aurrera EBZ) edo BIC 87 -ak eta gaur egun 160
kideetako sare bat osatzen dute Europan (4.11 irudia).
Estatu espainiarrari dagokionez, EBZak sortzen joan ziren heinean elkartzeko
beharra agerian geratu zen, ordezkaritza jarduerak gauzatu ahal izateko alde batetik eta
bestetik topaketa marko bat osatzeko. Modu honetan sortu zen ANCES 88 elkartea,
interkooperazio eta elkarkidetza proiektu berriak garatzeko. EAEn hiru dira ANCES-en
barnean dauden EBZak: BEAZ, BIC Berrilan eta CEIA. Nahiz eta ANCES
erakundearen barnean ez egon beste bi EBZ existitzen dira EAEn: Saiolan eta Cedemi.
Hasiera baten langabezi tasa altuei aurre egiteko mekanismo bezala sortu ziren
EBZak, baina gaur egun gizartean duten eragina oso bestelakoa da: berrikuntza eta
87 Business Innovation Centers (BIC), Centro de Empresas Innovadoras (CEI), Centros Europeos de
Empresas e Innovación (CEEI) bezala ere ezagutuak Europako Batzordeak emandako ildo nagusiak
jarraitzen dituzte industri mailan, horretarako 1984. urtean koordinaziorako European Business Network
(EBN) sortu zen.
88 Asociación Nacional de CEEI Españoles
Bioteknologia enpresak sortzeko eragile erabakigarriak Euskal Autonomia Erkidegoan