Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 62
behar izan duelarik familiaren diru-sarrerak gehitzeko eta bai gurasoengandik jasotako
heziketarengatik, erantzukizunak hartzen joan delarik pixkanaka. Eguzki epeletan
hezitako haurrak probabilitate urria dute lanerako grina gauzatzeko (Irizar 2003).
Helburu garaiak lortzeko energia eta erresistentzia handia edukitzea
ezinbestekoa da. Denboran zehar helburuak lortzera zuzendutako energia denean,
nekaezintasun edo perseberantzia izena hartzen du. Denbora luze hauetan esfortzu handi
hauek mantentzen dituen indarra auto-kondidantza da (Shane, Locke eta Collins 2003).
B4) Adimenezko ezaugarriak
Sormenak, ideia, produktu eta prozesu berrien gauzatzea ekartzen du, aukeren
aurrean egokitu, hazi eta lehiatzeko aukera emanaz erakundeei. Maiz, ideia hauek eta
oinarri teknologikoko aurkikuntzak dira enpresa sorketa bultzatzen dutenak.
Nahiz eta gaur egun erakunde helduen arrakastan paper garrantzitsua izan
sormenak, enpresa sorketarekin duen lotura ez da oraindik ikertu modu sistematiko
baten. Sormena abantaila lehiakorra lortzeko ezinbesteko pausua denez, nahiko
harrigarria da ikerketarik ez egotea (Ciavarella eta Ford 2004).
Faktore kognitiboak, ezagutza, ahalmen eta trebetasunak barne, eragina dute
enpresa sorketaren prozesuan. Lehenbizi, ekintzaileak ezagutza zehatzak behar ditu,
batez ere industriari buruzkoak eta arrakastarako erabakigarriak diren teknologiena ere.
Espezialistak kontratatu ditzake gabeziak dituen arloetarako, baina beti gauzak modu
zuzenean egiteko gutxienezko ezagutzaren jabe izan beharko du. Bigarrenik, egoera
ezberdinei aurre egiteko ahalmen zehatz batzuk eduki beharko ditu: erabaki hartzea,
planifikazioa, gainditzea, komunikazioa eta gatazken kudeaketa besteak beste.
Hirugarrenik eta azkenik, ekintzaileak nolabaiteko trebetasunak eduki beharko ditu, hau
da, adimena eduki beharko du (Shane, Locke eta Collins 2003).
Bioteknologia enpresak sortzeko eragile erabakigarriak Euskal Autonomia Erkidegoan