Enpresa bioteknologikoak sortzeko eragile erabakigarriak ... - Euskara

6. Kapitulua: Prozesu ekintzailea bioteknologia sektorean 297
zentro teknologiko eta unibertsitateekin.” (Marcos Simón, DRO Biosystems,
2007-02-15)
Bioteknologia enpresen ekintzaileentzako erreferentzia nagusiak biozientzien
alorrerako sortutako ikerketa zentro espezializatuak dira, bioGUNE IKZ eta
biomaGUNE IKZ hain zuzen ere. Zentro kooperatiboko eredua jarraitzen dutenez,
bertako kudeaketan parte hartzen dute bioteknologia enpresek. Beraz, proiektu,
kontratu, jabetza intelektualeko akordioak etabar mobilizatzeko herraminta eraginkorrak
izan dira erakunde hauek. Horrez gain, enpresa ezberdinen artean kolaboratzeko
aukerak ere sortzen dira eta kasu askotan bezero berrien erreferentziak aurkitzeko ere
erabilgarriak izaten dira. Bio-ekintzaileek teknologia berriak garatzeko espazio
egokitzat hartzen dituzte zentro hauek eta proiektu europarretan beste enpresa batzuekin
batera lan egiteko aukerak sortzen dira bertan.
Ikerketa kooperatiboko zentro hauen laguntzaz, EAEko bioteknologia enpresek
elkar ezagutzen dute, bakoitzak garatzen dituen jarduera motak ezagunak dira, horrela
osagarritasuna aurkitzea posibilitatuz, orokorrean espezializazio maila altuko enpresak
izaten direlako:
“Biogune IKZtik etengabe ihardunaldiak, seminarioak eta
proiektuetarako deialdiak egoten dira, mugikortasun handia dago eta horrek
enpresak behartzen ditu modu jarraian zentroarekin kolaboratzea. Zentroan
ere parte hartzea dugunez eta proiektuak kooperatiboak direnez elkar
ulertzeko beharra dugu, kooperatu nahi ez duenak finantziazio iturri horiek
gabe geratuko delako. Eredu oso egokia da.” (Justin Barry, Midatech
Biogune, 2007-06-07)
Arlo honetan puntu kritiko nagusia teknologi transferentzia da. Ikerketa eta
garapenaren artean desoreka aurki daiteke, bio-ekintzaileen aburuz hori da sektoreak
duen akatsik nabarmenena:
“Zientzialari oso onak daude, abilezia eta talentu handiarekin, baina
ikerketa besterik ez dute egiten kasu askotan. Ikertzaile horien proiektuak
industria baten sorketara bideratu behar dira, bultzada hori falta da. Argi
dago oinarrizko ikerketa gabe ez dagoela ondorengo aplikazioa, baina
praktikara eraman behar dira bestela ezagutza horiek ezertan geratzen
baitira. Iparrameriketan eredu ezberdina jarraitzen da, non ikerketa
merkatura guztiz bideratua dagoen. Ikertzea gauza ona da baina ez badu
ezertako balio ez eta hor dago BioBasque Agentzia eta estrategiaren gakoa.
Bioteknologia enpresak sortzeko eragile erabakigarriak Euskal Autonomia Erkidegoan