Enpresa bioteknologikoak sortzeko eragile erabakigarriak ... - Euskara

6. Kapitulua: Prozesu ekintzailea bioteknologia sektorean 280
da, non asko ematen dizuten ikertzeko eta dena karta soil batera jokatzen
duzun. Erosoagoa eta azkarragoa da eredu hori, baina Espainian eta EAE-n
ezin da hori egin. Hemen dirulaguntzak aurkitu behar dira enpresa berria
sortzeko eta ondoren ikerketa finantzaziorako. Gainera, produktu garapenaz
gain zerbitzuak eskaini behar dira, kontsultoria lanak ere gauzatu, hau da,
denetik egin behar da enpresaren produktu nagusiak fruituak ematen dituen
arte, negozio eredu egokia martxan jartzen den arte, alegia.” (Julio Font,
Noray Bioinformatics, 2007-03-14)
Ekintzaileak hartzen dituen erabakiak baldintzatzen dute enpresaren etorkizuna,
zorteaz gain, leku onean momentu egokian egoten jakin behar da, orduan azaltzen
baitira aukera berriak:
“Gure kasuan, momentu zehatz baten, zorteak eragina izan zuen
nolabait. Gurutzetako ospitalean zirujanoa zen lagun baten aholkuak jaso
genituen jarduera berri bat gauzatzeko. Osasun sektoretik eskatzen ari ziren
produktu bat zen eta guk egin ahal genuen produktu hori. Gai horri buruz
ikerketak gauzatu genituen eta ezagutzen genuen teknologiarekin merkatuan
produktu horren eskaintza egitea lortu genuen.” (Begoña Castro eta Maite
del Olmo, Histocell, 2007-02-10)
6.2.2 Motibazioa
Elkarrizketatutako bioteknologia enpresen ekintzaileen motibazioa aztertzerako
orduan denek baieztatu dute aukeragatiko ekintzaileak direla, hau da, beti izan dutela
enpresa proiektua garatzeko asmoa. Hala ere, kasu konkretu baten (Histocell) beharrak
motibazio zati garrantzitsu bat izan zuen nahiz eta aukeragatiko motibazioa gailendu:
“Biologo moduan lan egiteko arazoak izango genituela ikusi genuen,
eta unibertsitatean lanean ari ginen bitartean enpresa ezberdinek lanak
eskatzen zizkiguten. Beraz, gure aldetik egitea posible zela ikusi genuen,
euskal osasun sektoreak atzerritik ehun-injeneritzako produktuak eskatzen
baitzituen (Alemania, Ingalaterra eta Italia) eta guk ahalmena bagenuen
produtu horiek eskaintzeko, teknologia hori ezagutzen genuelako. Gauzak
horrela, Espainian ezer ez zegoenez enpresa sortzera animatu gintuzten.“
(Begoña Castro eta Maite del Olmo, Histocell, 2007-02-10)
Hainbat kasutan unibertsitateetan eginiko ikerketen fruitutzat kontsideratu
daitezke enpresa berrien sorketa. Aurreko kapituluan aztertu den moduan hainbat spin-
Bioteknologia enpresak sortzeko eragile erabakigarriak Euskal Autonomia Erkidegoan