Enpresa bioteknologikoak sortzeko eragile erabakigarriak ... - Euskara

6. Kapitulua: Prozesu ekintzailea bioteknologia sektorean 288
“Orain arte saiatu ere ez gara egin banku eta kutxekin, eguneroko
operazioetarako soilik egiten dugu lan beraiekin. Momentu konkretu
batzuetan altxortegiko gainak aprobetxatzen saiatu naiz errentagarritasun
finantzarioa lortzeko. Berme batzuk lortzen ere saiatu naiz baina
alokairuetarako soilik lortu ditut, aldiz, proiektuentzako finantzazio zuzena
edukitzeko ezinezkoa da berme horiek lortzea. Eskatzen ditudan fondo
berberak ez ditugulako edota jendea ez dugulako ezagutzen berme hori
eman diezakeguna, bestela, azken finean jende horri eskatuko genioke
zuzenean diru hori bankura jo beharrean. Hala ere, ulergarria da niretzako
egoera hau eta bermeak jasan ditzakeen ibilgetua edukitzen dugun egunean
banku eta kutxen finantzazioa erabiltzea espero dut. Gaur egun arte
behintzat ez, laguntza publiko asko ditugu eta fakturazio egokia.” (Marcos
Simón, DRO Biosystems, 2007-02-15)
Bukatzeko, aipagarria da kutxa eta bankuen arteko dagoen hautemate
ezberditansuna ekintzaileen artean, kutxen artean inplikazio maila altuagoa atzemanaz,
batez ere. Orokorrean, bioteknologia sektorera gerturatzeko EAEko hiru kutxa nagusien
azken mugimenduak ongi baloratzen dituzte.
6.4.2 Arrisku kapitala eta business angels-ak
Bioteknologia enpresa eta finantza iturri pribatu hauen artean dagoen distantzia
nabaria da eta bien arteko ezin ulertu nagusia epeak izaten dira normalean:
“Bio-ekintzaileok eta fondoetako kudeatzaileek hizkuntza guztiz
ezberdinak erabiltzen ditugu. Fondoen kudeatzaileek inbertsoreen interesak
defendatzen dituzte, noski, baina epe laburrera, errentagarritasun maximoa
bilatuz arrisku minimoarekin. Niretzako arrisku kapitalak arriskua
bereganatu behar du, baina zero arriskua nahi dute, kapital gutxiko
ekarpenarekin eta epe laburreko inbertsioarekin errendimendu altuak
eskatuz. Arrisku kapitaleko bi erakunde ezberdinekin alderatu behar izan
nuen egin zidaten eskaintza, konprobatzeko egia zen entzuten ari nintzena.
Hasiera-hasieratik eskaintza hori egin balute ez nuke beraiekin denbora
galduko.” (Justin Barry, Midatech Biogune, 2007-06-07)
Arrisku kapitaleko erakundeek emaitzak eskatzen dituzte epe labur edo ertainera
(2 edo 3 urte) eta aldiz bioteknologia enpresetako ekintzaileek ezin dituzte ziurtatu
emaitza hauek epe horietan:
Bioteknologia enpresak sortzeko eragile erabakigarriak Euskal Autonomia Erkidegoan