Enpresa bioteknologikoak sortzeko eragile erabakigarriak ... - Euskara

6. Kapitulua: Prozesu ekintzailea bioteknologia sektorean 295
EAEn sortu diren bioteknologia enpresen gehiengoarentzat funtsezkoa izan da
alde batetik inkubatzaile ezberdinetatik jasotako laguntza, eta beste alde batetik
teknologia elkartegi baten kokatuak egoteak duen garrantzia azpimarratzen dute,
bioteknologia sektorerako bereziki. Bioteknologia enpresen sorketan azpimarratzeko da
Biokabi inkubatzaileak izan duen papera, estrategiak enpresa garapeneko ardatza
garatzeko sortutako tresna zehatza hain zuzen ere.
Bioinkubatzailetik pasa diren eta dauden enpresen bio-ekintzaileak modu
positiboan baloratzen dute bioinkubatzailearen sorketa. Bioteknologia enpresek
beharrizan konkretuak baituzte, batez ere, instalakuntza aldetik. Laborategi eta aparatu
espezializatuak behar izaten dira jarduera mota hauek aurrera eramateko eta aldi berean,
produktuak garatu ahal izateko.
Bioinkubatzailearen bultzada izan ezean, hasierako inbertsio altuak egin behar
ditu bioteknologia enpresa sortu berri batek. Batez ere alokairuaren prezio baxua eta
instalakuntza espezializatuak baloratzen dira ongien bio-ekintzaileen aldetik. Hala ere,
lokala, laborategiak eta aparatu konkretuak izateaz gain boinkubatzailearen gainontzeko
zerbitzuak ere ongi baloratuak daude bio-ekintzaileen artean. Horrela, Foru
Aldundietatik, Eusko Jaurlaritzatik, Gobernu Zentraletik edo Europear Batasunetik
datozen finantzazio, diru-laguntza eta mailegu aukeren inguruan bioinkubatzaileak
eskaitzen dituen aholkularitza zerbitzuek asko laguntzen diete.
Bioinkubatzaileaz gain, BioBasque agentziaren eta Teknologia Elkartegiaren
aholkularitza laguntza ere jaso ohi dute bio-ekintzaileek modu osagarrian.
Hala ere, nazioarteko beste bioinkubatzaile batzuekin alderatuz gero, EAEko
eredua ezberdina da. Montrealeko Laval Zientzia Parkean dagoen QBIC
bioinkubatzailean idea arriskatzen da eta ideia hori ona bada finantzazioa lortzen da.
Gainera, laguntza fiskalak altuagoak izaten dira normalean. Europan hutsegiteko
beldurra nabariagoa da eta finantzazioa lortu aurretik dena ondo dagoenaren bermea
lortu nahi izaten da eta horrek aukera kostu altuak sortzen ditu iparrameriketako (AEB
eta Kanada) enpresa bioteknologikoekin alderatuz gero.
Aurreko kapituluetan aztertu den moduan bioteknologia enpresen gehiengoa
Bizkaiko teknologia elkartegian kokatzen da, lau enpresetatik hiru hain zuzen ere.
Teknologi elkartegi baten kokatua egoteak abantailak ekartzen dizkie bio-ekintzaileei:
“Bioinkubatzailearen bultzada ezinbestekoa izan da kokatzerako
orduan eta instalakuntzei dagokionez modu positiboan eragin du gure
enpresaren sorketan, beste teknologi elkartegi batzuekin alderatuz gero
Bioteknologia enpresak sortzeko eragile erabakigarriak Euskal Autonomia Erkidegoan