Enpresa bioteknologikoak sortzeko eragile erabakigarriak ... - Euskara

3. Kapitulua: Bioteknologia industriaren nazioarteko egoera 170
Horrela, esportazio totalen %9 izatetik 1997. urtean, 2003. urtean %84 izatera
pasa da. Joerak jarraitu ezkero bioteknologia enpresen esportazio sarreren %100
bioteknologiarekin zerikusia duten jardueretatik etorriko da.
Quebec eta Ontario probintzietako giza-osasun sektoreko enpresak dira
esportatzaile nagusiak.
Inportazioei dagokionez, bioteknologia enpresa berritzaileek eginiko gastuaren
hazkuntza sei aldiz handiagoa da 2003. urtean (1’8 mila milioi dolar), 1997. urtearekin
alderatuz gero (258 milioi dolar).
3.4.3.4 Kapitala
Kanadako 490 enpresa guztietatik, 254 enpresa saiatu ziren kanpoko
finantzazioa lortzen eta 178 enpresek izan zuten arrakasta. Azken enpresa hauen %53ak
helburu finantziarioak bete zituzten, hau da, 94 bioteknologia enpresa berritzailek behar
finantzarioak estaliak zituen. Horrela, 2003. urtean bioteknologia enpresa berritzaileak
1’7 mila milioi dolarretako finantzazioa lortu zuten jarduera bioteknologikoak gauzatu
ahal izateko, 9’5 milioi dolar enpresa bakoitzeko.
Azken urteetako datuei erreparatuz gero, enpresa txikiek finantzazio totalaren
zati handiena bereganatzen dute. Hala ere, finantza beharrak asetzeko arazo handiagoak
izaten dituzte enpresa txiki hauek, ertain eta handiekin alderatuz gero. Enpresa txikien
%49, ertainen %69 eta handien %70 ase baitituzte beraien kapital beharrak.
Lortutako finantzazioaren zati handiena giza-osasuneko enpresak eskuratzen
dute, mila milioi dolar eskuratu baitituzte hain zuzen ere. Ondoren nekazaritza eta janari
prozesaketako enpresek eskuratzen dute kapital gehien, 150 milioi dolarrekin.
Quebec, Ontario eta British Columbia probintzien artean eskuratutako kapitalak
%82 gehitzen dute, Quebec eta British Columbia dira hartzaile nagusiak, %33 eta
%34arekin hurrenez hurren.
Finantzazio-iturrien analisia egin ezkero, kapitalaren jatorria leku ezberdinetan
aurki dezakegu, oso dibertsifikatua dagoelako kapitalen merkatua. Horrela, finantza-
iturrik nagusiena fondo pribatuak dira (%29), ondoren Kanadako arrisku-kapitaleko
enpresak aurki ditzakegu (% 14) eta bigarren mailako eskaintza publikoak (%13) (3.12
irudia)
Bioteknologia enpresak sortzeko eragile erabakigarriak Euskal Autonomia Erkidegoan