Enpresa bioteknologikoak sortzeko eragile erabakigarriak ... - Euskara

7. Kapitulua: Ondorioak 317
lortu ahal izateko ezinbestekoa izango da finantza-iturri pribatuen parte-hartzea
bermatzea etorkizunean.
Zientziaren eta negozioen munduen gerturatzea, bioteknologia sektorearen
etorkizunaren funtsa bezala ulertzen da.
7.4.4 Inguruneko agente eragileak
EAEn biozientzien sektorerako estrategia zehatz bat izateak, eta berau
koordinatzeko BioBasque Agentziaren sorketa, erabakigarria izan da bioteknologia
enpresa berriak sortzeko garaian.
Bioteknologia enpresa berrien sorketan eragin zuzena izan du BioBasque 2010
estrategiak, batez ere planteatutako enpresa garapenaren ardatz estrategikoaren bitartez,
nahiz eta beste ardatz estrategikoek ere paper aktiboa bete (jakintzaren sorrera,
sektorearen dinamizazioa, eta gizarte dimentsioaren integrazioa). Horrela, BioBasque
2010 estrategia martxan denetik sortutako bioteknologia enpresen erritmoa bizitu egin
da, emaitzetan ikusi den moduan, eta bio-ekintzaileek egoera aprobetxatu dute
bioteknologia enpresak sortzeko.
Bioteknologia enpresa bat sortzerako orduan, EAEko bioteknologia ekintzaileek
ingurunea funtsezkotzat jotzen dute. Horrela, teknologia elkartegi, inkubatzaile,
unibertsitate, ikerketa eta zentro teknologiko, finantza erakunde, eta abarren paperak
azpimarragarriak dira bioteknologia sektorean.
Ingurunean existitzen eta jarduten duten erakundeak aztertuz baieztatu daiteke
EAEn ingurunea lagungarria dela bioteknologia enpresak sortzeko. Estatuan dagoen
kokagune egokiena dela baieztatzen dute ekintzaileek kasu askotan eta, batez ere,
administrazioko maila ezberdinetatik emandako laguntzek hein handi baten egiten dute
posible ingurune mesedegarria. Gainera, ingurune honen sorketaren eraginez beste
eskualde eta nazioarteko herrialdeetatik bio-ekintzaileak eta enpresak erakarri dira
EAEra (Midatech Biogune, Genetadi Biotech, DRO eta Progenika).
Ingurune egoki bat izatearen barnean, bio-ekintzaileek funtsezkotzat hartzen
dute kokagunea enpresa sortzerako orduan, eta batez etorkizunera begira, elkarlanaren
bitartez hazkuntza garatu ahal izateko.
Horrela, EAEko bio-ekintzaileek gehien baloratzen duten kokagunea Bizkaiko
teknologia elkartegian sortutakoa da, bertan, biozientzia eta bioteknologia enpresez gain
beste hainbat erakunde kokatu delako: bioGUNE IKZ, BioBasque Agentzia eta Biokabi
inkubatzailea aurkitzen dira, enpresekin kontaktu zuzena daukate, eta kolaborazio
Bioteknologia enpresak sortzeko eragile erabakigarriak Euskal Autonomia Erkidegoan