Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 99
Marketing tresnetak egiten diren aldaketa errutinarioak, sasoizkoak eta
erregularrak ez dira marketing berrikuntza bezala kontsideratzen, baizik eta aurretik
enpresak erabili ez dituen marketing metodoak sartu behar dira.
2.6.1.4 Antolaketa berrikuntza
Antolaketa berrikuntza kontsideratzen da, enpresa baten kanpo-erlazio,
lantokiaren antolamendu edo negozio jardueretan egituraketa metodo berri bat
inplementatzen denean.
Berrikuntza mota hauek enpresa baten emaitzak hobetzeko helburua dute,
administrazio kostuak edo transakzio kostuak murriztekoa, alegia. Enpresako langileen
asetasuna bilatzen da, beraz, produktibitatea hobetzeko berrikuntzak izan daitezke.
Kudeaketa mailatik hartutako eta aurretik ez erabilitako erabaki estrategikoak
izan behar dira berrikuntza gisa kontsideratzeko.
Negozio jarduera berritzailea, lana antolatzeko errutina eta prozeduren aldaketa
da eta enpresa barnean ezagutzaren kudeaketa eta ikastea bultzatzeko helburua du.
Adibide gisa praktika onenen, kutsoen eta beste ezagutzen datu basearen sorketa hartu
genitzazke.
Lanaren antolaketari dagokionez, erantzukizunak eta erabaki hartzeak
langilegoaren artean banatzeko metodo berriak aplikatzean datza, horrela autonomia
handiagoa izango dute langileek erabakiak hartzerako orduan, beraien ideia berriak
martxan jarriaz.
Enpresa edo gainontzeko erakunderekin (publiko naiz pribaturekin) dituen hartu
emanak kanpo erlazio gisa ezagutzen dira. Erlazio hauek adibidez, ikerketa zentroekin
edo bezeroekin adostutako kolaborazioak izan daitezke, edo hornitzaileekin egindako
integrazioak.
Beste enpresen eskuratzea edo bategiteak ez dira kontsideratzen antolaketa
berrikuntza bezala, naiz eta lehengo operazio bat izan enpresa batentzako. Hala ere,
bategite edo eskuratzeak antolaketa berrikuntzak erakarri ditzazkete, antolaketa metodo
berriak erabiltzen badira bategite edo eskuratze prozesu horretan.
2.6.2 Berrikuntza prozesua: fluxu ereduak
Berrikuntza eta bere efektuak ikertu diren heinean, deskribatzen duten ereduak
ere aldatuz joan dira etengabe. Hasiera baten aurrerapen teknologikoak eredu lineal
baten ondorioz gertatzen zirela ondorioztatzen zen, non hasiera, oinarrizko ikerketan
Bioteknologia enpresak sortzeko eragile erabakigarriak Euskal Autonomia Erkidegoan