Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 94
kontzienteki ikertu behar dituzte arrakasta izan dezaten aplikatu nahi diren berrikuntzak
(Drucker 1985).
Aurreko definizioaren harian “berrikuntzaren praktika sistematikoaz” hitzegiten
da eta aldaketa, zerbait berria edo ezberdina emango digun aukera da. Beraz,
berrikuntza sistematikoa berrikuntza sozial edota ekonomikoa eskaini dezakeen aukeren
analisi sistematikoa da, helburu konkretuekin eta modu antolatu baten eginiko bilaketa
(Drucker 1985).
Berrikuntza arrakastatsuek aldaketa esplotatzen dute, berrikuntza tekniko
handiak ere egoten dira baina ohiz kanpokoak dira eta eskasak, Wright anaien 38
hegazkina adibiderako. Horregatik berrikuntzaren diziplina diagnostikoan oinarritzen
da, eta ekintzaileari aukerak eskaini lekizkioken aldaketa esparruen azterketa
sistematikoa da. Jenialtasun momentu baten ondorioz sortutako berrikuntza hauek
eskasak dira, berrikuntza gehienak, bereziki arrakastatsuak, berrikuntza aukeretara
bideraturiko bilaketa kontzientearen ondorio baitira.
Aukera hauen bilaketan 7 iturri aurkitu zituen Drucker-ek, lehenengo laurak
enpresa barnean aurkitzen direlarik eta ondorengo hirurak enpresa edo industriaz kanpo:
1. Ustegabekoa: sorpresa, ustegabeko arrakasta, ustegabeko porrota.
2. Inkongruentea: errealitatea eta “izan behar zuenaren” arteko konparaketa.
3. Prozesu baten beharrean oinarritzen da berrikuntza.
4. Erortzea: industria edo merkatuaren ezusteko aldaketa bat-batekoa.
5. Populazioaren aldaketa.
6. Pertzepzio, aldarte eta esanahien aldaketa.
7. Ezagutza berriak, zientifikoak nahiz beste alorretakoak. (Drucker 1985)
ELGE eta Eurostat 39 erakundeek publikatutako Osloko Eskuliburuaren helburu
nagusia berrikuntzan dauden datu eta ildoak interpretatzeko gida bateratu bat edukitzea
da. Autoreak eskuliburu hontan proposatzen diren oinarrizko definiziak hartuko ditu
kontuan. Berrikuntza motak, jarduerak eta enpresak definituz.
Honela definitzen du Osloko Eskuliburuak berrikuntza:
38 Herrialde askotan Wright anaiak kontsideratzen dira lehen hegaldia gauzatu zuten pertsonak bezala
Flyer I izeneko proptotipoarekin 12 segundutako hegaldia egin zuten, 1903. urtean izan zen.
39 Eurostat erakundea 1953. urtean sortu zen Europako Komunitatekoestatistika bulego gisa. Erakunde
honen misioa Eurpan dauden estatistika bulegoetatik informazioa bildu eta aztertzea da, modu
harmonizatu baten presentatu ahal izateko Erakunde Europearrei, politika ezberdinak definitu,
inplementatu eta aztertu ditzaten. Eurpear Batasuneko datuak barneratzen dira, estatu kideak eta hauen
bazkideak kontuan hartuz publikatzen dira gai eta bildumen bitartez.
Bioteknologia enpresak sortzeko eragile erabakigarriak Euskal Autonomia Erkidegoan