Enpresa bioteknologikoak sortzeko eragile erabakigarriak ... - Euskara

3. Kapitulua: Bioteknologia industriaren nazioarteko egoera 195
Bioteknologia enpresen 2006ko fakturazioa 593 milioi eurotan estimatu da,
2000-2005eko urteko hazkuntzak kontuan hartuz.
Horrela, aberastasunari dagokionez BPGari %0,06ko ekarpena egiten dio, 2000.
urtean egiten zuen ekarpena bikoiztuz. Aldi honetan (2000-2006) bioteknologia
enpresen fakturazioan egon den batazbesteko urteko hazkuntza %20,5ekoa izan da.
Bioteknologia sektoreko enpresen zati bat produktu eta teknologien garapenean
murgilduta dauden enpresak dira eta beraz etorkizunean izango dute fakturazioa,
laborategi eta esperimentzio urte batzuk igaro ostean. Arrazoi honegatik, fakturazioa ez
da balorazio irizpide egokiena bioteknologia enpresentzako. Beste irizpide batzuk
kontuan hartzea egokiagoa da, etorkizuneko fakturazioa eta esperotako mozkinak izanik
irizpide egokiagoak. Horretarako enpresa bakoitzeko balorazio zehatza egin behar da
edo sektore helduetan gertatzen den bezala, burtsan kotizatzen duten enpresen
kapitalizazioaren bidez ere egin daiteke balorazioa.
2006. urtean bi bioteknologia enpresek soilik kotizatzen zuten burtsan:
PharmaMar (Zeltia Taldea) eta Puleva Biotech. Bi bioteknologia enpresa hauen burtsa
kapitalizazioa 2.000 milioi eurotako zen. Beraz, bioteknologia sektorearen balio erreala
kalkulatzea lan zaila da gaur egun. Hurrengo urteetarako onartuko den “espainiako
burtsa merkatu alternatiboarekin” 74 egoera aldatu daiteke, bioteknologia enpresa eta
fondoek balorazio egokiagoak egingo dituztelako.
BE-k duten fakturazioaren banaketa eginez gero aplikazio sektorean kontuan
hartuz, aurretik egindako banaketen emaitza antzekoak ikus ditzazkegu. Horrela, osasun
sektoreko bioteknologia enpresen fakturazioa totalaren %62 dute, industria sektorekoak
%27 eta aldiz, nekazaritza, abeltzantza eta elikagaietakoak %12. Osasun sektoreko
enpresen nagusitasunak, nazioarteko konbergentzia agerian uzten dute.
Bioteknologia sektorearen hazkuntzaren beste adierazle garrantzitsu batzuk
sortutako enplegua eta pertsonal gastuak dira. Bioteknologia enpresen enplegua %50
hazi da eta perstonal gastuen hazkuntza berriz, %23 izan da, 2000-2006 aldian. Horrela,
aldiaren amaieran (2006), bioteknologia enpresek 3.500 pertsonetako enplegua lortu
dute, pertsonal gastuak 135 milioi euro baino geheiagokoa izanda.
Enplegatu bakoitzeko soldataren media 38.000 euro baino gehiagokoa den
bitartean espainiako industria sektoreko media 30.000 eurotakoa da, beraz, sortutako
enplegua maila altukoa dela esan daiteke, kualifikatua zein ongi ordaindua.
74 Mercado Alternativo Bursátil Español
Bioteknologia enpresak sortzeko eragile erabakigarriak Euskal Autonomia Erkidegoan