Enpresa bioteknologikoak sortzeko eragile erabakigarriak ... - Euskara

1. Kapitulua: Ikerketaren sarrera 10
1.3.2 Ikuspuntu kualitatiboa eta kuantitatiboa
Zientziaren historian zehar pentsamendu korronte ugari sortu da, baina XX.
mendeko bigarren erditik aurrera bi ikuspuntu nagusitan polarizatu da ikerketa:
kuantitatiboa eta kualitatiboa.
Ikuspuntu kuantitatiboak datuen bilketa eta analisia erabiltzen ditu ikerketaren
galderak erantzuteko, eta aurretik ezarritako hipotesia baieztatzeko. Neurketa
numerikoa, zenbaketa eta estatistika erabiltzen dira populazio baten jokabidea
egiaztatzeko.
Ezagutza berri bat lortzeko bidean ikuspuntu kuantitatiboa metodo hipotetiko-
deduktiboan oinarritzen da, eta ondorengo premisak hartzen dira kontuan:
1. Teoriak landu ostean hipotesia deribatzen da.
2. Hipotesia ikerketa diseinu egokiak erabiliz frogatzen da.
3. Emaitzek hipotesia baieztatzen badute ebidentzia gehitzen da. Ezeztatzen
badute, ordea, alde batera uzten dira hipotesiak, eta argibide hobeagoak
bilatu (Grinell 1997).
Ikerketaren emaitzek ebidentzia gehitzen badute hipotesiaren alde, konfiantza
sortzen da sostengu gisa dauden teorietan. Atzera botatzen bada, hipotesia baztertu
egiten da eta behin-behinekoz, sostengu gisa zueden teoriak ere.
Aurrez aipatutako premisez gain ikerketa kuantitatiboan beste kontsiderazio
batzuk ere hartzen dira kontuan. Errealitate subjektiboa eta banakako esperientziak ez
dira baztertu behar. Horrela, bi errealitate atzeman daitezke: errealitate objektiboa eta
errealitate subjektiboa. Errealitate subjektiboa sinesmen, aurreritzi eta pertsonaren
esperientziek osatzen dute eta orokorrak izatetik (intuizioa, adibidez) teoria formalen
bitartez sortutako ikuspuntu logiko eta garatuak izatera aldatu daitezke. Errealitate
objektiboa ditugun sinesmenetatik independentea da. Errealitate hau ezagutu daiteke,
eta aldi berean beharrezkoa da ezagutzea edo informazio gehiago jasotzea (Grinell
1997, Creswell 1998).
Ikuspuntu kuantitatiboa erabiltzen denean errealitatea ezagutzeko bide
fidagarriena erregela logiko batzuk jarraituz egindako datuen bilketa eta azterketa da.
Erregela hauek jarraituz gero, sortutako datuek balio eta fidagarritasun estandarrak
izango dituzte, eta deribatutako ondorioek balioa izango dute.
Ikuspuntu kualitatiboan ez dago zertan hipotesia frogatu behar, eta ikerketaren
galderak aurkitu eta bikaintzeko erabiltzen dira. Datu bilketa ere erabiltzen da, baina
neurketa numeriko gabea, deskribapena eta behaketa adibidez. Ikerketaren galderak eta
Bioteknologia enpresak sortzeko eragile erabakigarriak Euskal Autonomia Erkidegoan