Enpresa bioteknologikoak sortzeko eragile erabakigarriak ... - Euskara

5. Kapitulua: Bioteknologia enpresen eta ekintzaileen karakterizazioa 251
amerikarrekin lana egingo dute minbizi proiektuetan eta europako beste erakunde
batekin nekazaritza arloan.
Urte berean (2005), Midatech Andalucia S.L. sortu zen Sevillan. Enpresa
honetan ez da produkzioa gauzatzen, baizik eta nanopartikula magnetiko eta metalikoen
gaineko jabetza intelektualeko ustiatzeko eta elektromagnetiaren zerikusia duten
kanpoko alorrekin interakzioa gauzatzeko helburua baitu. Gainera, minbizia duten
zelulak eta bakteriak kanporatzeko tresnen garapenean ere jarduten du enpresa
subsidiario honek.
Taldeko azken enpresa eta gazteena, 2007. urtean sortu zen bulego zentraletan
(Midatech Ltd.). Enpresa berri honen helburua Midatech Ltd. enpresak duen
minbizirako eta gaixotasun infekziosoetarako txerto plataformaren ustiapena eta
merkaturatzea da.
Midatech taldeak hazkuntza estrategia jarraitzen du enpresa berrien sorketaren
bitartez. Enpresa berri hauek ondo definitutako funtzio bereiztuak dituzte eta
kolaborazio ezberdinen bitartez nazioartekotzea gauzatzea lortu dute. Talde honetan ere,
Progenika taldearen antzera enpresa guztiek osasun sektorean jarduten dute.
5.2.2.3 Genetrix
Genetrix taldea biofarmazia sektorean enpresa iniziatibak sustatzeko
helburuarekin sortu zen eta biomedikuntzan espezializatuta dauden bioteknologia
enpresez dago osatua. Enpresa talde honen jarduera 2001. urtean hasi zen eta
Bioteknologia Zentro Nazionaletik (CNB 98 ) sortutako lehen enpresa pribatua izan zen.
Bertako fundatzaileek ikerketa eta enpresa alorretan dute jatorria 99 . Enpresa talde honen
egitura bi adarretan multzokatu daitezke: terapia berriak eta teknologiak.
Terapia berrien barnean dauden enpresak soluzio terapeutiko gabeko botika
berritzaileen garapenean dihardute eta Madrileko teknologia elkartegian daude
kokatuak: Cellerix S.A., Biotherapix S.L.U. eta Coretherapix.
Cellerix S.A. 2004. urtean sortu zen eta jatorri heldua duten zelula amak
erabiliaz botika berritzaileak sortzen dituzte fistulen tratamendurako eta azalaren
birsorkuntzarako.
98 Centro Nacional de Biotecnología (CNB) CSIC-eri atxikita dagoen erakunde estrategiko bat da eta
1992. urtean sortu zen helburu misto batekin: akademikoa eta teknologiaren transferentzia. Nazioarteko
biomedikuntza eta bioteknologia zentro bikain bezala kontsideratua dago European Molecular Biology
Organization-ek 2005. urtean kaleratutako txostenean. Bultzada teknologikoa behar duten spin-off
enpresak sustatzen ditu eta hainbat enpresa kokatzen da bere instalakuntzetan.
99 Cristina Garmendia (Grupo Amasua), Carlos Martínez (CSIC) eta Antonio Bernad (CSIC).
Bioteknologia enpresak sortzeko eragile erabakigarriak Euskal Autonomia Erkidegoan