Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 135
Bio-eskualde hauen ezaugarri nagusiena sortzen duten balio erantsi altu eta
berritzailea da, teknologia altuko enpresa, unibertsitate, ikerketa zentro publiko,
hospitale, arrisku kapitaleko enpresa, jabetza intelektuala kudeatu edo teknologia
transferitzen duten enpresa eta erakunde zientifikoen artean ematen den koordinazio eta
kolaborazioaren bitartez. Maila goreneko egiturak dira bio-eskualdeak, eskualde mailan
teknologiaren transferentzia errazten dutenak eta ondorengo faktore kritikoak
dituztenak:
1) Beharrezko oinarri zientifiko-teknologikoa (formazio eta prestakuntza
teknikoa barne).
2) Teknologia transferitu ahal izateko sistema eraginkorra edukitzea.
3) Enpresa-ehun dinamikoa izatea.
4) Langile espezializatuak erakartzeko ahalmena.
5) Finantza baliabideak. Arrisku kapitalaren erabilgarritasuna.
6) Azpiegiturak eta zerbitzuak.
7) Sektoreko edo antzeko enpresentzako laguntza zerbitzuak.
8) Giza-baliabide kualifikatuen erabilgarritasuna.
9) Sare eta aliantza efektiboen existentzia.
10) Ingurune politiko, fiskal eta legegile lagungarria (Rubiralta eta Vendrell
2005).
Europan bio-eskualdeak edo bio-klusterrak garatzeko hainbat iniziatiba
erregional eta nazional azpimarra daitezke, beti ere gobernuen tresnen bitartez eginak.
Industria, ikerketa publikoa eta administrazioaren arteko sinergiak indartzeko helburua
dute iniziatiba hauek, helize hirukoitzaren loturak indartzekoa, alegia.
Kluster hauen biziraupena, lehiakortasunean eta balio erantsi zehatzak sortzeko
duten ahalmenean oinarritzen dira, Europako bioteknologia mapan posizio konkretu bat
zehaztuz. Lehiakortasun eta balio erantsia sortzeko, administrazioak hesiak apurtu
ditzake neurri baten, baina benetako dinamizatzailea sektore pribatuak izan behar du.
Bioteknologia kluster handi eta dinamikoena Bostonen aurkitzen da. Kluster
honen oinarri zientifikoa Massachusetts Institute of Technology (MIT), Harvard
University, Boston University eta Massachusetts General Hospital bezalako
erakundeetan datza.
Bioteknologia enpresen arteko eta enpresa eta agentzien arteko elkarrekintza
maila altua dago. Kasu honetan kluster eredugarri bezala har genezake bioteknologiaren
Bioteknologia enpresak sortzeko eragile erabakigarriak Euskal Autonomia Erkidegoan