Enpresa bioteknologikoak sortzeko eragile erabakigarriak ... - Euskara

6. Kapitulua: Prozesu ekintzailea bioteknologia sektorean 298
Teknologi transferentzia hau bideratzen saiatzen ari da. Nire galdera
hurrengoa da: zenbat ikerketa bideratzen dira ikerketa zentroetatik produktu
konkretuak garatzera? Aspaldiko hausnarketa da hau, Genentech enpresan
lan egiten nuenekoa.” (Justin Barry, Midatech Biogune, 2007-06-07)
Amaitzeko, bioteknologia enpresetako ekintzaileek gainontzeko ikerketa eta
teknologi zentroekin izandako esperientzien artean, aipagarria da royalty-ak
negoziatzerako orduan sortzen diren zailtasunak akordioak lortzeko.
“Orokorrean ez dute ekarpen handia egiten eta oso zaila da akordioak lortzea
royalty-ak eskatzen dituztelako. Aurreko baten enpresa bati %50 eskatu zioten oraindik
ikertzeko dagoen arlo baten. Ondoren teknologi horren gaineko lizentziak sortu nahi
direnean farmazia enpresa batentzako, nola hasiko naiz negoziatzen erdia nirea ez bada?
Normalean royalty-ak %3 eta %6 bitartean ematen dira eta asko jota %10ean. Beste
aukera bat da merkaturatzeko listo dagoen software-a, hor %20 izan daiteke. Momentu
honetan teknologi zentroek ikuspegi erabat itxia dute. Adibiderako Italiara egin genuen
bisita, bertako zentroek ez dute parte hartzen jabetza industrialean eta ez dituzte nahi
izaten royalty-ak. Patentea sinatzen dute legez obligazioa delako autore gisa, baina
egindako lanagatik soilik kobratzen dute eta oso ondo daramate jarduera, kontratu asko
lortzen dituzte. Unibertsitatearekin ere gauza bera gertatzen ari da. Zentro
teknologikoen eredua bioteknologia enpresentzako ez da egokia. Bioteknologia
enpresen sorketa bultzatzea bada asmoa, administraziotik lan paregabea egiten da baina
laguntza teknologikoaren beharra iristen denean garapenari abiadura emateko, ez da
posible enpresak bereganatu ezin dituen zifrak eskatzea.”
6.5.4 Enpresak
Aurreko puntuetan aipatu den moduan, bioteknologia sektorea espezializazio
maila altuko enpresaz dago osatua eta horrek modu aipagarri baten eragiten du beste
enpresekin aliantza eta kolaborazioak bilatzerako orduan. Bioteknologia enpresetako
ekintzaileek ezinbestekoa ikusten dute elkarkidetzak gauzatzea beste enpresekin,
bioteknologikoak izan ala ez, batez ere hazkuntza estrategiak aurrera eramateko orduan:
“Enpresaren biziraupenerako ez dira erabakigarriak beste enpresekin
aliantzak sortzea baina konbentzituta nago hauen bitartez proiektu
handiagoak eta indartsuagoak lortuko ditugula. Gainontzekoak ideia onak
izan daitezke modu indibidualean garatzeko baina proiektu handiak aliantza
Bioteknologia enpresak sortzeko eragile erabakigarriak Euskal Autonomia Erkidegoan