Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 110
• Ingurumen iraunkorra: eko-berrikuntzen zabaltzea eta lidergoa eko-
industrian, epe luzerako produktibitatea hobetu eko-efizientziaren
bitartez.
Estatu-kide bakoitzak politika nazionalak garatu beharko ditu, beti ere marko
europar baten barnean. Europako Batzordeak modu zuzen eta argi baten jakinarazi
beharko die estatu-kideei egindako akats eta arrakastei buruz. Europar Batasunaren
politikak eta politika nazionalek, aurrekontuak bezala, Lisboako estrategiaren
lehentasunak hobeto islatu behar dituzte (Kok, Wim eta al. 2004).
2.8.1 Paradoxa europarra
Europaren ahultasun nabarmenena, ikerketa emaitzen eraldaketan eta lehia
teknologikoa berrikuntzan eta abantaila konpetitiboetan bihurtzean datza. Hau da,
berrikuntzak emaitza ekonomiko errentagarriak ekarri behar dituela kontuan hartzen
badugu, sendotasun zientifikoa berrikuntzan bihurtzeko ezintasuna (COM 1995).
Maila altuko output edo emaitza zientifikoei dagokionez, Europak nazioarte
mailan lidergoaren papera jokatzen du, baina enpresek hainbat arrazoi dela eta ez dute
etekinik ateratzen bertatik.
2.8.2 Berrikuntza EBn: oinarrizko ondorioak
Gaur egun Europako Batzordeak erabiltzen duen European Innovation
Scoreboard (EIS 44 ) tresna erabiliko dugu analisia egiteko, 2005. urteko edizioa, hain
zuzen ere.
Estatu-kideen artean ezberdintasun nabarmenak daude irudian ikus daitekeen
moduan. Ardatz bertikala berrikuntza joeren laburpena da eta horizontala aurreko
joeraren hazkuntza tasaren media dira.
Marra horizontalaren gainetik dauden herrialdeak EB25 media baino berrikuntza
etekin hobeagoak lortu dituztenak dira eta marra bertikalaren eskuinera daudenak berriz,
media baino hazkuntza tasa altuagoak dituzten herrialdeak.
Berrikuntza joeren laburpena eta hazkuntza kontuan hartuz gero lau taldetan
bana ditzakegu herrialdeak:
• “Aitzindariak”: Suitza, Suedia, Danimarka eta Alemania.
44 European Innovation Scoreboard (EIS) tresna Lisboako estrategiaren barnean garatu da. Honen bitartez
estatu-kideen berrikuntza ebaluatu eta konpara daiteke. EIS 2005k Europar Batasuneko 25 estatuen
adierazleak eta joerak biltzen ditu. Gainera, Errumania, Bulgaria, Turkia, Islandia, Norvegia, Suitza, AEB
eta Japoniako datuak ere barneratzen ditu.
Bioteknologia enpresak sortzeko eragile erabakigarriak Euskal Autonomia Erkidegoan