Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 30
Ekintzailetasunaren literatura garaikidean Schumpeter-en ikuspegiak izan du
eraginik handiena. Berritzailearen papera azpimarratu zuen Schumpeter-ek “ekintzaile
berritzailea” bezalako terminoak erabiliz.
Schumpeter-en (1934) ezaugarri azpimarragarriena ekintzailetasuna edo enpresa
sorketa indar orekatzaile baino desorekatzaile gisa ikustea izan zen. Kreatibitate edo
sormen suntsitzearen teoria proposatu zuen, non enpresa izpiritua duten erakunde
berritzaileek beste erakundeak ordezkatuko dituzten, azkenik garapen ekonomikoa
handiagoa ekarriz.
Bigarren korronte intelektualak, Kirzner (1997) buru dena, hautemandako
irabazi aukeraren paperak duen garrantzian sakontzen du.
Hirugarren ohitura intelektualaren muina den Knight-en teoriak berriz,
ziurgabetasun egoera baten arriskua bereganatzeak jokatzen duen papera azpimarratzen
du. Knight-en kontzeptua “ekintzaile neoklasikoa” bezala interpretatu da (Shane 2000).
ELGEko herrialde aurreratuenetan ekintzailetasunaren definizio zehatzik ez da
existitzen. Definizio bakarra ez egotearen ardatza kontzeptuaren dimentsio
aniztasunean datza (Audretsch 2002). Herbert eta Link (1989) inspirazio iturri bezala
hartuz, Wennekers eta Thurik-ek honako definizioa proposatzen dute:
“Gizabanakoak duen trebetasuna bakarka edo taldean, erakunde
baten barnean edo kanpoan, negozio aukera berriak hauteman eta sortzeko
(produktu berriak, produkzio metodo berriak, erakunde eskema berriak eta
produktu-merkatu konbinazio berriak), eta bere ideiak ziurgabetasun egoera
baten merkaturatzeko, kokapen, forma eta baliabide eta erakundeen gainean
erabakiak hartuz.” (Wennekers eta Thurik 1999)
Momentuan kontrolatzen diren baliabideetatik haratago doan aukeraren bilaketa
gisa definitzen dute entrepreneurship terminoa Harvard University-n. Beste hitz
batzuetan esanda, momentuan kontrolatzen diren baliabideak soilik erabiltzen dituen
pertsonak inbertitzaile izena bereganatuko du. Beraz, ekintzailetasuna, aukerak
identifikatu eta beharrezkoak diren baliabideak pilatzeko prozesua da (Stevenson
1990).
Venkataraman eta Shane-k ekintzailetasuna, aurretik ez zeuden produktu eta
zerbitzu, antolaketa era, merkatu, prozesu edo lehengai berriak esfortzu bitartez
antolatuaz aurkikuntza, ebaluaketa eta ustiapena ekartzen duten jarduera bezala
definitzen dute (Venkataraman 1997; Shane eta Venkataraman 2000). Bestalde,
Bioteknologia enpresak sortzeko eragile erabakigarriak Euskal Autonomia Erkidegoan