Enpresa bioteknologikoak sortzeko eragile erabakigarriak ... - Euskara

Hitzaurrea
Bigarren Mundu Gerra ostetik hiru teknologia generiko bereiz
daitezke: informazio eta komunikaziorako teknologiak, material
aurreratuak eta bioteknologia. Bioteknologiak bereizgarri asko ditu
beste bi teknologia generikoekin alderatuz gero, baina, ezaugarri
garrantzitsuena enpresen zati handi batek unibertsitate-ikerketan
duten jatorria da.
Bizitzaren zientziak eta bioteknologia ezagutzan oinarritutako
ekonomiaren hurrengo iraultzatzat hartzen dute askok. IKTen ondoren,
aukera berriak sortuaz gure gizarte eta ekonomian.
Bizitzaren zientziak eta bioteknologiak sortutako ezagutzek, mundu
mailan, aplikazio eta aurkikuntza zientifiko berriak sortzen dituzte
medikuntza, nekazaritza, elikagai ekoizpenean, industrian eta
ingurumenaren esparruetan.
Bioteknologiak ez du tradizioa izan Euskal Autonomia Erkidegoan
Europako beste herrialde batzuekin alderatuz gero, baina hazkuntza
fasean aurkitzen da. Gainera, 2001-2004 bitarteko Zientzia,
Teknologia eta Gizarte Planak eta 2007ko urrian argitaratutako
Zientzi, Teknologia eta Berrikuntzarako Planak (PCTI 2010),
lehentasuneko sektore estrategikotzat hartu dituzte bio-zientziak eta
bioteknologia.
Testuinguru honetan, biozientzietan oinarritutako industria sortu ahal
izateko klusterren eredua hartu du Eusko Jaurlaritzak, BioBasque
Agentzia eta BioBasque 2010 Estrategia sortuz, non agente
ezberdinek erlazio dinamiko baina egonkorrak finkatzen dituzten, epe
laburreko kontaktu puntual eta interesgarriekin. Hainbat helburu ditu
agentziak 2010. urterako. Horietako bat garapenaren bultzatzaile
nagusi izango diren enpresen sorrera da (Eusko Jaurlaritza 2003).
Aitor Lizartza
2011