Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 120
Definizio hau hartuko da erreferentzi gisa doktorego tesi honetan. Ez da
bioteknologia zientzia gisa hartzen, hainbat adar zientifiko barneratzen dituen diziplina
anitzeko ikuspegi bezala baizik.
Definizio bakarraz gain beste definizio batzuk erabiltzen ditu ELGEk,
bioteknologia tekniken arabera. Norabide gisa erabiltzen dituzte aurreko definizio
bakarra interpretatzen laguntzeko:
a) DNA/RNA: Genomika, farmakogenomika; proba genetikoak; injenieritza
genetikoa; DNA/RNA sekuentzientziazioa/sintesia/anplifikazioa; geneen
esamoldearen irudikapena; eta zentzuen aurkako teknologien erabilpena.
b) Proteinak eta beste molekulak: Proteina eta peptidoen
sekuentziazioa/sintesia/injenieritza; proteomika, proteinen isolamendua eta
garbiketa, markak jartzea, zelula jasotzaileen identifikazioa.
c) Zelula eta ehun hazkuntza eta injeneritza: Zelula/ehun hazkunzta; ehun-
injerieritza, fusio zelularra, txerto/immune estimulatzaileak; eta enbrioien
manipulazioa.
d) Bioteknologia tekniken prozesua: Bioerreaktoreak erabiliaz eginiko hartzidura,
bioprozesaketa, bioiragazketa, biozuriketa, bioerremediazioa.
e) Gene eta RNA bektoreak: Terapia genetikoa; bektore biralak.
f) Bioinformatika: Genoma datu-baseen eraikitzea, proteina sekuentziazioa;
prozesu biologiko konplexuen eraikitzea, sistema biologikoak barneratuz.
g) Nanobioteknologia: Nano eta mikro herraminta eta prozesuen aplikazioa
biosistemak ikertzeko mekanismoak sortzeko helburuarekin; eta botika eta
diagnostikoan aplikazioak.
2.10 BIOTEKNOLOGIA BERRIKUNTZA SISTEMAN
Bioteknologia enpresen estrategia teknologikoak jatorriko herrialdearen
sistemak baldintzatzen ditu. Herrialde bakoitzak ezagutzaren sortze, transmisio eta
promozioan barneratuak dauden erakunde bereziak ditu. Ezagutzaren ekoizpen,
banaketa eta aplikazioan parte hartzen duten agenteen arteko erlazio konplexuen
emaitza da berrikuntza eta herrialde baten emaitza berritzaileak baldintzatuak daude
guztiz agente hauen erlazionatzeko joeretara.
Agenteak ondorengoak izango lirateke batez ere: enpresa pribatuak,
unibertsitatea eta administrazio publikoa (OECD 1997-2). “Berrikuntza-Sistema
Nazionala” izendatzerako orduan ez da existitzen definizio bakarrik, baina hainbat
Bioteknologia enpresak sortzeko eragile erabakigarriak Euskal Autonomia Erkidegoan