Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 70
2.3.3.2 Zientzia negozio bilakatuz: OTEBen jatorria
Ekintzailetasun teknologikoa, garapen teknologikoa bera bezala, ikaste-ekintza
prozesu bat da non enpresa berrien sorketarekin azaltzen den.
OTEBen jatorria aztertuz gero mota ezberdinetako enpresak aurki ditzazkegu.
Horrela, ikerketa zentro publikoak zein pribatuak, unibertsitateak, enpresak edo jatorri
pribatuko iniziatiba berriak identifikatu daitezke eta spin-off eta start-up 33 bezalako
terminologia azaldu ohi da.
Spin-off terminoak azpiproduktua adierazten du, hau da, helburu ezberdina duen
jarduera baten ondorioa da. Beste erakunde batetik eratortzen den organizazio berri bat
bezala ere ezagutzen da spin-off definizioa. (Ganzarain 2006)
Literaturaren azterketa egin ezkero, maila goreneko erakunde batetik profesional
batek sorturiko enpresa-iniziatiba bezala definitu du bibliografia tradizionalak spin-off
terminoa. Autore garaikideek ordea definizio hau osatu egin dute, beste hainbat
elementu kontuan hartzekoak baitira spin-off bat sortzerako orduan: ezagutza zientifiko-
teknologikoa transferitzeko erabiliko diren mekanismoak, patenteak, eta lizentziak
adibiderako. Start-up terminoa ere erabiltzen da, funtsean ez dago ezberdinatsun
esanguratsurik bien artean, termino generikoa bezala erabiltzen da edo jatorri pribatuko
enpresak definitzeko ere bai kasu askotan. (Condom 2002)
Beraz, spin-off terminoa transferentzia teknologikoarekin erlazionatu daiteke,
ikerketa erakundeetatik sortutako ezagutza eta emaitzak enpresa sektoreak bereganatzen
dituenean. Teknologia transferitu ahal izateko hiru bide jarraitzen dituzte unibertsitate
eta ikerketa eta teknologia zentro publiko nahiz pribatuek: ikerketa kontratuak,
patenteen lizentzien kontzesioak eta OTEBen sorrera. Teknologia transferentziako bide
ezberdinak bi ikuspuntutan sailkatu daitezke: merkatuaren beharrak (market pull) eta
teknologiaren bultzada (technology push):
• Merkatuaren beharrak (market pull): Enpresak joaten dira ikerketa
erakundeetara berrikuntzako beharrak konpontzeko, produktu eta
prozesuetan dituzten arazoak hain zuzen ere. Ikerketa eta garapenerako
kontratuak izaten dira enpresa eta ikerketa erakundearen artean, hau da,
I+Grako finantzazio pribatu honekin enpresak ikerketarako azpiegiturak
eta zientzialarien aholkularitza zerbitzuak erabiltzen dituzte.
• Teknologiaren bultzada (technology push): Teknologia transferentziaren
beste ikuspegi mota bat da. Kasu honetan, ikerketa erakundetik aukera
33 Enpresa hasi berriak izendatzeko terminologia anglosajoia.
Bioteknologia enpresak sortzeko eragile erabakigarriak Euskal Autonomia Erkidegoan