Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 78
soldatak 42 hilabetez baino gehigo luzatu direnean. Gainera, enpresa itxierak ere
kontuan hartzen dira, prozesu ekintzailearen erabateko azterketa egiteko asmoarekin.
2.2 taula
EAEko enpresa kontsolidatuak eta itxierak
% 2004 2005 2006
Enpresa Kontsolidatuak 6’55 8’79 5’37
Enpresa Itxiera 1’1 1’08 0’91
Iturria: GEM EAE (2006)
Enpresa kontsolidatuen indizea nabarmen jaitsi da 2006 urtean. Atzerapen honen
arrazoia biztanlego helduaren kopuru baxuagoagatik izan liteke, 18-64 urte bitarteko
ekintzaileak hartu direlako kontuan 2006. urtean eta aurreko urteetan aldiz, 18-65 urte
bitarteko ekintzaileak hartu ziren kontuan.
Enpresa itxierei dagokionez eboluzio positiboarekin jarraitzen da, hau da,
enpresa itxierak murriztuz doaz. EAEko enpresen itxiera motibazioa aztertzerako
orduan motibazio pertsonalek eragin dute gehien, kasuen %41’5ekin. Ondoren
gehiegizko lehiakortasuna (%22) eta bezero falta (%15) izan dira motibazio
azpimarragarrienak, horrela itxieren %37 merkatu eta lehiakideen balorazio
okerrengatik eta merkatu helduetan eskatzen diren berrikuntza eta egokitze faltagatik
izan dira. Gainera, beste lanpostu bat aurkitu duten ekintzaileen portzentajea %12 da,
beraz, besteen konturako lanak erakargarritasun handia du eta soilik %5ak dio
finantzazio faltagatik itxi duela negozioa.
Azkenik, enpresa bati ekiteko intentzioari buruz ere galdeketa egin da eta taulan
atzeman daitekeen moduan jaitsiera nabarmena egon da, %4’45etik %2’06ra. Datu
honen motibatzaile nagusia egoera sozio-ekonomikoa izan liteke, azken urteko
langabezi-tasak baxuenak izan dira eta horrek eragin zuzena izan dezake ekintzaile
potentzialengan. Horrela, Japoniak, %2’36arekin, soilik du EAEren antzeko datua,
EBko herrialdeetan ez dago hain datu baxurik eta Espaniar estatuaren media (%6’39)
oso urruti aurkitzen da
Bioteknologia enpresak sortzeko eragile erabakigarriak Euskal Autonomia Erkidegoan